ياللي القمر متغاظ
من حسن تفاصيلك
جايب معايا الفل
وجتلك أحكيلك
من الشباك...
إلى الشباك
خدني اشتباك
سحر العيون السود
يا عيونه هاودوني
عاشق منيش غلبان
مستني تدوني
سحر الجمال قادر
يسرح سنين بيا
في الحلم كان محسوس
صحي الغرام فيا
كل الكلام أكاذيب
لو كان بيوصف حور
وأنتي اللي زيك شعر
ماوردتي سما وبحور
ادعيلي أموت فيكي
وتكوني جنتنا
أصل الجنان تقاسيم
وأنا جنتي أنتي
وإزاي أنام وارتاح
لو في الزعل كنتي
كل الأحبة اتلاقو
على شط نهر النيل
وأنا لسه ليلي طويل
يمشي النهار بدري
وتيجي النجوم في العصر
تلقيني أقول مواويل
تخلص مواويلي
من عيني آه وياليل
وأنا لسه ليلي طويل
