السلام عليكم
اسم حضرتك إيه؟ أنا مليكة
بتحبى الأشجار؟
طبعا وعندى ورد وزرع صغنن، بس محمود أخويا بيسقى الزرع من غير ما يقولى، تصدق الزرع مش بيشرب منه، لأنه متعود يشرب منى أنا بس.
واسم الزرع إيه؟ عندى وردة.
اسمها إيه؟ الوردة اسمها نبيلة على اسم ماما.
وماما بتشتغل إيه؟ ماما كاتبة كبيرة أوى، ومعروفة كمان، وهى مهندسة شاطرة أوى.
طيب ماما كاتبة كبيرة ومهندسة شاطرة وأنتى إيه؟
أنا السمكة الذهبية.
يعنى أنتى سمكة؟
لا أنا سباحة كبيرة، وهكون زى رانيا علوان «السمكة الذهبية».