ألف الشاعر الكبير سيد حجاب، العشرات من الأغاني التي شكلت وجدان المصريين وأثرت المكتبة الموسيقية العربية، إلا أنه تميز بتأليف تترات المسلسلات التي أصبح الكثير منها يشكل علامات مميزة في تاريخ الدراما المصرية.
ومن أهم هذه الأعمال ننتقي
أكثر 5 أغاني حازت شهرة واسعة، وهي "ليالي الحلمية"، "الوسية"، "الشهد
والدموع"، "المال والبنون"، "أرابيسك".
ولفين ياخدنا الأنين
لليالي ما الهاش عينين
ولفين ياخدنا الحنين
لواحة الحيرانين
***
ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكره حيبان له آخر
وبكرة تفرج مهما ضاقت علينا
***
لا بد من بكره اللي طال انتظاره
ده مهما طال الليل بيطلع نهاره
ومهما طال درب الهموم والمسالك
لا بد ما يعود المسافر لداره
نفس الشموس بتبوس على روسنا
نفس التراب يحضن خطاوينا
طب ليه بنجرى ونهري فى نفوسنا
وليه نعيش ناكل فى بعضينا
آدى الحقوق وآدى اللى طالبينها
والحق تاه فى الباطل البطال
وقلوبنا تاهت عن محبينها
ونجومنا عالية بعيدة ما تنطال
بحلم وافتح عينيا على جنة
للإنسانية
والناس سوا بيعيشوها بطيبة وبصفو نية
***
يا دنيا ولا حدي ضهري ليكي ولا أعيش في قهري
يا ما نفسي يصفالي دهري وترجعي حقانية
***
لأ يا دنيا اجري غري غيري ولعبي ودري
أما أنا رغم مري نفسي عزيزة وغنية
***
دنيا غرورة دنية زي الحنش شرانية
ويا ريت نأمن هداها ونعيش سوا بصفو نية
***
أحلامي تصلبلي ضهري ويروق ويصفالي دهري
ويلالي زهري وجواهري لكل ناسي وليا
***
يا دنيا مهما تغري غيري مسيرك تمري
وبعد مري تسري نفسي العفيفة الغنية
***
لا المال ينور طريقي ولا البنون بلوا ريقي
عملي في حياتي رفيقي في وقفتي الآخرانية
ويرفرف العمر الجميل الحنون
ويفر، ويفرفر في رفة قانون
وندور، نلف ما بين حقيقة وظنون
وبين آسى هفاف وهفة جنون
ويرفرف العمر الجميل الحنون
***
دنياك سكك، حافظ على مسلكك
وامسك في نفسك لا العلل تمسكك
وتقع ف خية تملكك، تهلكك
أهلك، يا تهلك دا انت بالناس تكون
ويرفرف العمر الجميل الحنون
***
إن درت ضهرك للزمن يتركك
لكن سنابك مهرته تفركك
وإن درت وشك للحياة تسبكك
والخير يجيك بالكوم وهمك يهون
ويرفرف العمر الجميل الحنون
مين اللى قال الدنيا دى وسية ** فيها
عبيد مناكيد وفيها السيد
سوانا رب الناس سواسية ** لا حد فينا يزيد ولا يخس ايد
جينا الحياة زى الندا أبرياء ** لا رضعنا كدب ولا اتفطمنا برياء
طب ليه رمانا السيف على الزيف ** وكيف نواجهو غير بالصدق
والكبرياء
مين اللى قال الدنيا دى وسية ** فيها عبيد مناكيد وفيها السيد
سوانا رب الناس سواسية ** لا حد فينا يزيد ولا يخس ايد
عش يا ابن آدم بِكر زى الشجر ** موت وأنت واقف زايه فى مطرحك
ولا تنحنى لمخلوق بشر أو حجر ** وشب فوق مهما الزمان جرحك
