بس إنت لسه أخضر وياما كتير غيرك قالوا كدا وراحوا، دخلتك دخلة أسد والجرأة حلوة مفيش كلام، حازم صغير السن لكن كبير مقام، وطبع الرجولة جواه وإلى نص الحوار مع حازم:
سنك كام يا حازم؟
أنا فى خمسة ابتدائى يعنى ١١ سنة يا بيه.
طب إنت عارف إنهم هيلغوا ستة ابتدائي؟
لغوها خلاص.. كويس عشان أروح أولى إعدادى ومش أضيع وقت.
إنت فرحان بقى؟
أكيد فرحان عشان أكون مهندس بسرعة ومش أضيع وقت.
بتحب المدرسة يا زومة؟
بحبها جدا وبحب اقرأ كتير فى مكتبة المدرسة.
كام طالب فى الفصل؟
كتير وزحمة بتعرف تعد.
وبتبقى قاعد مستريح يا حازم فى الفصل؟
آه يعنى كويس.
أكتر مدرس بتحبه مين فى المدرسة؟
مدرس الجبر أستاذ محمود عون.
ليه هو بالتحديد اللى بتحبه؟
عشان بيوصللى المعلومة بسهولة مش معقد.
عجبتنى صراحتك؟
أنا أكدب ليه دى الحقيقة.
عاوز تبقى إيه لما تكبر يا حازم؟
أبقى مهندس.
عايز إيه تانى يا حازم؟
لاعب كرة قدم، عشان يكون معايا فلوس كتير.
إنت شاطر فى المدرسة ولا إيه؟
آه شاطر الحمد لله.
