«أهلى قاطعونى بسبب شغلى، وأنا معنديش حاجة تانية آكل منها عيش»، هكذا بدأت سناء غريب، من مواليد محافظة قنا، ٥٦ عاما، والتى عُرفت بأول سائق ميكروباص فى الصعيد، حديثها لـ«البوابة»، مُتحدية كافة العقبات والأعراف الصعيدية التى تمنع عمل المرأة.
«سناء» والتى تعمل سائق ميكروباص على خط «قنا – نجع حمادى»، كشفت أنها قبل أن تعمل فى مهنة السواقة كانت تقوم بقيادة جرار زراعى لمساعدة والدها فى الحصول على قوت يومه، وهو ما واجه أيضًا بعض النقد فى البداية من الأهل والجيران، وبعد وفاة الوالد وزواجها بدأت الحكاية، حكاية «سناء» لتضرب مثلا حيا فى التحدى والكفاح بحثًا عن لقمة العيش.
وتقول «سناء»: «فى البداية كُنت ربة منزل وميسورة الحال، حتى توفى زوجى منذ ثلاثة أعوام، ولم يكن لى مصدر دخل غير «الميكروباص»، فقررت إنى أشتغل عليه عشان أربى أولادى، وكل الناس هاجمتنى واعتبرت أن شغلى فضيحة، ولكننى تحديت كل الظروف والحمد لله قدرت أكمل فى الشغلانة الصعبة دى رغم كل المشاكل اللى قابلتنى».
وتضيف «سناء»، فى الأساس أنا أشتغلت مع والدى على جرار زراعى من ١٠ سنوات وكنت أرعاه فى مرضه حتى توفى فى عام ٢٠٠٧، يعنى أنا ست واخدة على الشقا والتعب، إحنا فى الصعيد حياتنا مش سهلة، والناس كلها كانت تعتبرنى حاجة شاذة، لكن أنا عاوزة أربى ولادى والحمد لله هما فخورين بيا، أنا اشتغلت عشان محدش يتحكم فى ولادى وعشان أربيهم صح، والحمد لله عندى ٥ أولاد وكلهم فى مراحل تعليم مختلفة ويفتخر بيهم وهما كمان يفتخروا بيا».
وأكملت حديثها قائلة: «مهنة السواقة صعبة والناس مابترحمش عاوزة قلب جامد يقدر يستحمل الشارع وبلاويه، وأكتر حاجة صعبة ممكن أتعرض ليها التعامل مع الزباين فى الموقف»، قائلة: «دخول الموقف مش سهل».
وعن تكريم المحافظ لها قالت «نهى»: إن محافظ قنا، اللواء عبد الحميد الهجان، هو الوحيد الذى كرمها فى يوم الرائدات الريفيات وأعطاها ١٠٠٠ جنية فقط، وأن السيدة عنايات السيد، المقررة السابقة للمجلس القومى بقنا، والمهندسة إيمان محمد وكيل وزارة الزراعة السابقة حصلا على شهادات تقدير ومكافآت مادية وصلت لـ٥٠٠٠ جنيه تقديرا لهما، وأنها لم تنل من المجلس أى تقدير.
وطالبت «نهى» محافظ قنا بتوفير سكن لها ولأبنائها حيث إنها تقيم فى شقة بالإيجار، وصاحب المنزل يهددها كل يوم بالخروج منها.
