قال الطريق للمسافر:
لا بد تمشيني..
ولابد مـ الشباك/ هتفوق وتتأمل
والمستحيل إنك ترجع كما الأول
قال الشجر للشمس:
طب ليه بتحييني..
وليه بدونك ورقى كان مكسور
ادينى أكتر نور قبل ما نتحول
قال المريض للعلاج:
من غير ما تكويني..
لولا إنى عارف إنك لازم تكويني
أنا كنت عندك هقدر أستغنى
وأرميك فى أول مرمى متسول
قال السحاب للسما:
يجوز تحبيني..
ويجوز الجرى فيكى يبهرك بيا
من غيرى تبقى اللحن..
ناقص فى أغنية
ويجوز فى وقت الذكر..
لو اتكلموا عنك
مش هبقى إلا سراب ماشى بيتجول
قاللى الدرويش: انسى..
فى الدنيا شىء لسه..
موجود وما بيظهرش
فى الدنيا شىء لسه صافى وما اتعكرش
إوعاك تقول ما أقدرش
لو دق يوم قلبك
إحلم ومتفكرش
طول ما أنت واقف حي
لسه النصيب أهو جاى
والحكمة شىء كان نى
جايز بحكم الوقت
هيطيب ويتأول
