"إفيهات المعلقين" الرياضيين في المباريات المهمة، دائمًا ما تظل عالقة في أذهان الجماهير المصرية، وخاصة الخفيفة منها، ومن أشهر المعلقين الذي خطفوا الأنظار ميمي الشربيني، مدحت شلبي، محمود بكر، حمادة إمام.
وآخر هذه الإفيهات ما أطلقه مدحت شلبي، خلال مباراة مصر وأوغندا، في التصفيات المؤهلة لكأس العالم بروسيا 2018، "الدبة الباندا" التي أطقلها مدحت شلبي خلال تعليقه على المباراة، ما أثار سخرية العديد من رواد مواقع التواصل الاجتماعي.
وأمتاز "شلبوكة" بالعديد من الإفيهات منها " بيبو وبشير .. بيبو والجون " و"الله عليك يا حبيب والديك، ملكيش حق يا عارضة"، ومن أشهر الجمل التى نصبته الأقرب لقلوب الجماهير هى : "يانهار أبيض يانهار أبيض"
ميمي الشربيني أحد المعلقين الرياضيين الذين امتازوا بالتعبيرات الرنانة، التي يتذكرها المصريون بها، حتى الآن، وكان الشربيني يعتكف قبل المباريات المهمة للتحضير لهذه الإفيهات، ومن أبرز تعليقاته: "بيكنباور ينضم لجمعية أصحاب الكرافتات الشيك"، "عنقود مهارات يا ابني حوالين رجليك"، "وجوه مربع العمليات".
محمود بكر، كان يعتمد على تلقائيته الشديدة ومحاولته كشف طريقة اللعب بعد أول ربع ساعة، بطريقة فكاهية، الأمر الذي يجعل الجماهير تشاهد المباريات وكأنها تشاهد مسرحية لعادل إمام ومن أشهرها: "اللى لسة جاى من البلكونة وفى أيده سيجارة.. واحد يقوله.. النتيجة.. ".
حمادة إمام، امتاز بشرح التفاصيل الصغيرة في اللقاء، والتي تشعر معه وكأنك تشاهد مسلسلا دراميا، وامتاز بعدد من الإفيهات أبرزها: "هاتها من الشبكة يا ابني.. والقادمون من الخلف".
وقال الكاتب الصحفي محمد فتحي: "اللي كان يسمع ميمي الشربيني بيعلق كان بيتمتع بأستاذ بلاغة بيوصف لوحة فنية مش معلق في ماتش ..كان بيحضر للتعليق .. بمصطلحات جديدة .. بيعتبر وصفه علامة مسجلة عشان كده بيتعب على مصطلحاته"، ومن أشهر إفيهاته "بيكنباور ينضم لجمعية أصحاب الكرافتات الشيك".
وتابع: "محمود بكر كان بيعتمد على تلقائيته الشديدة ومحاولته كشف طريقة اللعب بعد أول ربع ساعة .. فيما بعد عرف الإفيهات اللي بتاكل مع الناس .. بقى بيكتب مقالات رأي ف تعليقه .. كإنه حكاء ماهر بيعزف ع الربابة لناس مستنية هيقول ايه عشان يضحكوا وهما بيتفرحوا ع الماتش ".
وأردف: "حمادة إمام قصة تانية خالص .. تعلب كورة قاري الماتش .. ليه مصطلحاته اللي ملكيتها الفكرية باسمه .. هاتها م الشبكة يا ابني .. القادمون من الخلف .. وصعب جدا ماتستمتعش بيه".
واختتم: "الواحد لما بيسمع مدحت شلبي النهاردة وهو بينحت ويحزق ويتعب على ما يلاقي أي كلام يعمل منه تباديل وتوافيق عشان يطلع حاجة باسمه الناس تتفاعل معاها بيزعل .. بيتضايق .. مدحت شلبي مع كامل احترامي بقى بينحت .. مفيش إبداع ولا تحضير ولا احترام .. فيه نمرة بتتعمل على المسرح عشان الناس تصقف، مش مبسوط خالص باللي سمعته ..ولا مبسوط بمستوى التعليق اللي موجود دلوقت".
فيما قال الفنان محمد هنيدي: "إحنا أسفين يانضا" تعليقًا على الإفيه الساخر من مدحت شلبي.
