ضيفتنا النهاردة مختلفة.. واختلافها ده سبب منه تضارب القرارات.. بابا بيقولها البسى الحجاب وماما نفسها البنت الصغيرة تفرح بلبسها.. وهبة عايزة تلبس براحتها اللى تختاره.. فبقينا أمام كوكتيل حجاب وفستان قصير وبنطلون.
فإلى نص ما دار:
حلو الفستان مع التحجيبة مع البنطلون مين بيختار لك لبسك؟
أنا اللى بختار وبابا وماما.
محجبة بقالك قد إيه؟
بقالى سنتين
ايه ده يعنى انتى اتحجبتى وإنتى فى سنة كام؟
تانية إعدادي
ومين قالك اتحجبي؟
بابا وماما
فيه زمايل لك فى المدرسة مش متحجبين؟
آه فيه
طب وشعرهم حلو ولا وحش؟
حلو.
طب ما اتحجبوش ليه؟
معرفش
هو حرام إننا نسيب شعرنا؟
آه
مين اللى قال؟
مش عارفة.
يا هبة يا حبيبتى مش أى حد يقول لنا حرام وحلال نصدقه لازم نقول حرام ليه؟.
يعنى دلوقتى لو قالولك حرام إنك تاكلي، هتأكلى ولا لأ؟
هاكل من وراهم.
طيب هما قالولك حرام إنك تمشى بشعرك متقوليش ليه؟، لازم نسأل يا حبيبتي.
طيب يا حبيبتى انتى عندك موهبة من المواهب؟
لأ
مش بترسمى أو بتغنى أو أى حاجة؟
لأ
ليه كده يا حبيبتي، ولا بتحبى تلعبي؟
بحب ألعب
طب المدرسة عندك فيها حصة ألعاب موسيقى مسرح؟
خالص
