فاجأ نجم مسرح مصر الفنان الشاب محمد أنور العروس نوران التركي في حفل زفافهم بغنائه أغنية بـعنوان "يخربيتك يا جواز ويخربيت معرفتك"، وتفاعل معها حضور الحفل، في أحد فنادق منطقة الأهرامات بالجيزة.
"يخربيتك يا جواز" طرحت على القناة الرسمية لـ"أنور" على موقع الفيديوهات "اليوتيوب، من تأليف وائل حمزة، وهى مأخوذة من لحن أغنية "الكيف" لـ كايروكى وطارق الشيخ.
من كلمات الأغنية"
يخربيتك يا جواز ويخربيت معرفتك
صحيح جوك لطيف بس ياريتني ما عرفتك
فالأول كنت تمام يادوب بجيب برفان
دلوقتي بكع فلوس على البيت وع المدام
يخربيتك يا جواز فلستني وفلقت
متبهدل في المصاريف ولا بستلف من حد
في واحد ابن حرام لعب في دماغي،
قالي الجواز دا تمام آه منه آه ياخوفي
وستارة جابت دولاب ودولاب جاب دفاية
دفاية جابت سرير واتنفخت في النهاية
من يومها وانا.. بدفع انا
الناس هناك في الساحل وانا بشطب هنا
يخرب بيتك يانيش يامعيشني في مذلة
لا انا عارف منك اعيش ولا عارف اجيب حله
بدفع فلوس بالكومة عشان عزومة
زعلانه.. ومسكالي شومة
يخرب بيتك ياحب ويخرب بيت ايامك
كدبت كل الناس ومصدق كلامك
اخترت بنت طيبة... رقة ودلع وحنان
انسانة مني قريبة وحبيبة قلبي نوران
(أحلى وأجمل نوران)
بإشارة جابتني نوران ونوران جابت ضحكاية
ضحكاية جابت ماذون واحلوت النهاية (الحكاية)
دي حياتي أنا وحبيبتي أنا
الناس فرحانه بيا وأنا طاير هنا
بإشارة جابتني نوران ونوران جابت ضحكاية
ضحكاية جابت مأذون واحلوت النهاية (الحكاية).
