في المناطق الحضرية يعاني المواطنون الأمرين وتوجه الشكاوى والاستغاثات عند قطع المياه عدة ساعات بسبب إجراء إصلاحات في منطقة ما، فما بالك بأهالي عزبتين كاملتين يعيشون على مياه الطلمبات ولا يعرفون ما هي "الحنفية" ويشربون مياها مالحة سببت لهم الكثير من الأمراض على مدار 70 عامًا.
عندما تطأ قدمك عزبة القاضي وعزبة الكوم المتجاورتين في قرية نجع أبو حميد أول نزلة أبو سحلى مجلس قروي النجوع بحري بمدينة إسنا جنوب الأقصر، تفاجأ بحياة بدائية وكأنك في بلد منفصلة تماما عن المحافظة التي تحظى باهتمام عالمي لما تمتلكه من مصادر جذب سياحي.
البيوت مبنية بالطوب اللبن واغلبها متصدعة والأواني على رءوس السيدات وبنات القرية وطلمبات المياه تنتشر في كل مكان أنشأها الأجداد منذ سنوات طويلة وكانت المنطقة عبارة عن حظيرة للمواشي ثم تحولت بمرور الزمن إلى منازل للأهالي وأصبح كل فرد ينام في غرفة وتبيت ماشيته في الغرفة المجاورة.
مشكلة العزبتين لا تتلخص فقط في نقص مياه الشرب فقط فهما تفتقدان أبسط معاني الحياة الآدمية – وإن كانت مشكلة المياه تمثل النصيب الأكبر من معاناة المواطنين.
يقول "محمود" 13 سنة، "مفيش ميه عندنا فى البيت خالص، وأغلب أهالينا يعملون باليومية، مفيش مسئول حاسس بينا، ومفيش نقطة ميه حلوة بنشربها.
وأضاف "حمادة م": "إحنا عايشين على ستر ربنا طلعت لقيت أبويا وأجدادي عايشين هنا وبيشربوا من المياه دي وكبرنا واتربينا عليها".
وفجر إبراهيم جابر، 39 سنة، كارثة قائلًا: "إحنا وجدودنا بقالنا 70 سنة بنشرب من الآبار الجوفية اللي بتنزل من الطلمبات ومياه الترعة المواشي بتاعتنا بتشرب منها لحد ما كبدها اتهرى والطبيب البيطري لما جه زارنا من ييجي 10 سنين قالنا المواشي عندها التهاب كبدي ولو اتباعت ممنوع تتدبح أو كبدها ميتاكلش وإحنا أكثر من 20 بيت عايشين في العزبة وأقرب خط مياه لينا يبعد عنا 100 متر ومحاطين بكوبري القالوح والزاعات وطالبنا بتركيب طلمبة مياة حلوة بس مفيش رد.. شوفولنا حل".
وقال عبدالجليل سيد: "أنا طلعت على وش الدنيا لقيت أهلي عايشين في العزبة والمياه المالحة جابتلنا الأمراض حتى مش عارفين نعمل كوباية شاي وهناك في إسنا الناس بترش ميه حلوة على الجسور وإحنا هنا مش لاقينها من الخراطيم ولا المواسير وأطفال صغيرة بتجيلها الأمراض الوحشة زي الفشل الكلوي بسبب المياه المالحة اللي بنجيبها من تحت الأرض يا ريت المسئولين يحسوا بينا شوية".
وكشف محمد عبدالمجيد مأساته قائلًا: "لدي زوجة و3 أبناء كلنا بنشرب من المياه المالحة يرضي مين ده أكتر من عائلة عايشة هنا ومحدش جالنا من المسئولين ولا يعرفوا عنا حاجة".
وأشار شحات حسن، إلى المشاكل التي تواجه عزبة الكوم قائلًا: "نحن نعانى أشد المعاناة من إهمال المسئولين لنا فالحياة تتوقف عند أول كوبري القالوح حتى خط المياه الحلوة يتوقف هناك وأصبحنا في طي النسيان ونعيش معاناة حقيقية تتمثل فى نقص الخدمات وعلى رأسها مياه ربنا اللي اتحرمنا منها".
وناشد شحات محافظ الأقصر محمد بدر والمهندس أشرف الحويحي رئيس مدينة إسنا حل أزمة المياه فى العزبتين لإنقاذ الأهالى والثروة الحيوانية.
