نشر الفنان والمنتج محمد محمود عبد العزيز عبر حسابه الرسمى على موقع التواصل الاجتماعى والصور"إنستجرام"، صورة البوستر الدعائى لمسلسل "باب الخلق" بطولة والده الراحل محمود عبدالعزيز"الساحر" والذي يعد التجربة الأولى له في عالم الإنتاج.
وعلق محمد محمود عبدالعزيز على الصورة قائلا: "سنين كان أول عمل لشركة مجموعة فنون مصر اللى أبويا كان أول واحد يآمن بيها ويشرفها بموافقته بالشغل معانا أنا وأخويا الكبيرريمون".
وتابع قائلا: "أكيد فى الأول كان بيعمل كده عشان يقف جنبى ويساندني فى أول طريقى بالإنتاج، زى ما أى أب فى الدنيا بيساند ويدعم ابنه، لكن مع كل سنة كان بيوافق إنه يجدد ثقته فينا ويشتغل معانا تانى كنت بتأكد إنه من جواه مصدقنا ومؤمن بينا لأنى متأكد أنه لا يمكن يجامل فى شغله. واضاف " أتمنى أكون مشرف حضرتك، ويا رب أفضل أشرف حضرتك لغاية ما نتقابل قريبًا إن شاء الله.. ومش هقول برضه غير ربنا يخليك ليا يا سندى وضهرى وأبويا وأخويا وصاحبى، واحشنى أوى، أسألكم الفاتحة والدعاء لأبويا ولأمواتنا جميعا".
يذكر ان محمد محمود عبدالعزيز شارك في السباق الرمضانى الماضى بمسلسل "طاقة نور" مع هانى سلامة ومسلسل "ظل الرئيس" مع ياسر جلال.
