أثار المشهد الأخير بإعلان فودافون الأخير سخرية عدد كبير من رواد مواقع التواصل الاجتماعى، والذى ظهرت فيه الفنانة شيرين عبدالوهاب بحركة عفوية بقدمها وهو ما جعلها تتعرض لموجة شديدة من الانتقادات والسخرية هى ومُخرج الإعلان.
وكشفت الإعلامية دينا فاروق، فى بوست نشرته على موقع التواصل الاجتماعى، سر حركة خطوات شرين غير المنتظمة، وكتبت: "اللي بيتكلموا عن حركة شيرين برِجليها في إعلان فودافون.. أنا سألت زملاء اشتغلوا في الإعلان.. كعب الجزمة شبك في البنطلون كانت بتخرجه عشان ما تقعش وافتكرت أنه مش هيبان وأنها بتتصور ميديام.. دي غلطة المخرج كان ممكن ياخد الزاوية الثانية في التصوير في الجملة دي وبعدين يرجعلها في اللونج عنده كادرات تانية بخمس كاميرات على الأقل.
وأضافت: "كفاية هري على حاجات تافهة تجرح مشاعر الناس.. شيرين دي اتبهدلت من جمهور بتسعده وتحترمه.. إحنا ليه وحشين كدة.. دي إنسانة عفوية وفنانة جميلة".
ومع بدء إذاعة الإعلان تداول مستخدمو مواقع التواصل الاجتماعي صورة الفنانة شيرين خلال الإعلان، ساخرين من خطواتها غير المنتظمة، وجاء من ضمن التعليقات: «هيا بتمشي كده ليه دي تسلخات ولا إعاقة»، «أخدت بالى برضه عيب على اللي بيصور ومعادش المشهد تانى»، «إيه ماشية الكاتعة دي يا شيري»، "تحس إن شرين بتعمل إعلان كينا كومب"، وغيرها من مئات التعليقات.
