قال الإعلامي عمرو أديب: إن من ضمن شروط منح ترخيص لإقامة مائدة رحمن، أن يقوم مفتش بفحص الأغذية، مضيفًا: "إحنا ما عندناش مفتشين يفتشوا على المحلات والمستشفيات هيكون عندنا مفتش مائدة رحمن، إنت عايز تأكلهم قول وإحنا نأكلهم".
وأبدى أديب، دهشته من إصدار قرار بعدم السماح بإقامة موائد الرحمن خلال شهر رمضان بدون ترخيص، معقبا: "لأول مرة في مصر ده يحصل.. هو خلاص مصر مشاكلها كلها اتحلت وفاضل مشكلة مائدة الرحمن".
وأوضح "أديب"، خلال تقديمه برنامج "كل يوم" المذاع عبر فضائية "on e"، اليوم الإثنين، أن من ضمن شروط إقامة مائدة الرحمن، أنه لا يمكن منح الترخيص قبل 3 أيام من تقديم الطلب، معقبا: "يعني اللي هيقدم دلوقتي مش هيلحق أول يوم رمضان.. إحنا نعمل الشباك الواحد لمائدة الرحمن"، مضيفا: "الرحمة يا ناس، أموت وأشوفه اللي عمل القرار ده".
وأضاف: "لو ملتزمتش بالقواعد دي.. يبقى دكر اللي يجي يعمل حاجة في مائدة رحمن، الناس هما اللي هياكلوه".
