اختتم الدكتور أحمد عماد الدين، وزير الصحة، جولته بمحافظة الأقصر، اليوم الخميس، بزيارة داخل مستشفى الأقصر العام لوقوف على أعمال التطوير التي تجرى بها.
ورفض وزير الصحة، خلال جولته على أحد المباني الملحقة للمستشفى وجود تصميم "مطبخ" بجوار "غرف الطوارئ"، بالطابق الأول، وعنف مسئولي المشروع لسوء التخطيط.
وقال وزير الصحة خلال زيارة المبنى قيد الإنشاء: إنه عند وجود طوارئ في دور معين لا بد من وجود أشعة بمختلف أنواعها في نفس الموقع، مؤكدًا أنه في تلك الحالة يوضع "المطبخ" بجوار الطوارئ وبهذه التصميمات المختلفة لن تستلم الوزارة المبنى.
وعنف الوزير القائمون على التصميم قائلا: "الطوارئ يعني لازم يكون في أشعة مقطعية وخلافه جنبها وإلا نلغي الطوارئ والكلام اللي بقوله يتعمل عشان ملاقيش بعد كدة حاجة تانية اتعملت ومش هستلم منكم إلا لما تنفذوا اللي بقول عليه لأن المصممين مش فاهمين حاجة دول في اللا لاند، مش عارف يعني إيه مطبخ يكون جنب طوارئ مفيش حاجة اسمها كدا، مش عايزين نكرر أخطاء زي اللي حصلت في طوارئ مستشفى كفر سعد، ومش هستلم حاجة غير اللي قولت عليها".
وغادر وزير الصحة الدكتور أحمد عماد الدين مقر المستشفى، وتوجه للفندق للاجتماع بكل من محمد بدر محافظ الأقصر، والدكتور أسامة الدسوقي وكيل وزارة الصحة وقيادات الوزارة لوضع حل لتلك الأزمة التي وجدها في المبنى الجديد.
