بدأت الشخصية المجهولة شاومينج إطلاق تهديدات قبل إنطلاق ماراثون امتحانات الثانوية العامة المقرر عقدها يوم 4 يونيو المقبل، وأكد شاومينج عبر مواقع التواصل الاجتماعى فيس بوك وتويتر، على تسريب امتحانات الصف الثالث الثانوي قبل اللجنة بخمس دقائق، بالاضافة الى تفعيل خدمة جديدة فى التسريب تحت عنوان «وآتس آب شاومينج».
وقال شاومينج عبر صفحته على فيس بوك: "بصوا علشان النهاردة اخر يوم هضيف ناس في لجروبات الواتساب.. ممكن ازود كمان لحد بكره بس علي حسب العدد.. أولا احنا مبندخلش اي حد.. احنا قبل ما بندخلك بنخش علي بروفايلك وبنشوف اذا كونت فعلا في ثانويه ولا لأ.. ميجيليش واحد شغال في الصرف الصحي وعايز يخش جروب تعليمي.. كل الي طالبه منك انك تكتب رقمك في كومينت وتكتب انت سنه كام اولي تانيه تالته ثانوي مش اكتر من كده.. وانا هخش اختار الي انا عايز اختاره.. مش اي حد والله بيخش الجروب".
وبدأ شاومينج اطلاق هاشتاج جديد تحت عنوان « الامتحان على الواتس آب».
يذكر أن شاومينج صفحة مجهولة على موقع التواصل الاجتماعي فيس بوك، تقوم بتسريب امتحانات الثانوية وتداول ورقات الامتحانات قبل وأثناء اللجنة، وسوف تبدا امتحانات الثانوية العامة يوم 4 يونيو المقبل وتنتهى فى 24 من نفس الشهر.
