رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم

ابن عم الشهيد "الركايبي" للمتاجرين: "مش شرط يحضن الإرهابي"

الثلاثاء 11/أبريل/2017 - 02:14 م
 عماد الراكيبي
عماد الراكيبي
ندى حفظي
طباعة
علق أحمد الركايبي، ابن عم الرائد عماد الركايبي، الذي استشهد في تفجير الكنيسة المرقسية بالإسكندرية، على الأنباء المتداولة حول الشهيد وما إذا كان قد احتضن الإرهابي من عدمه، مؤكدا أنه شخصية عظيمة ويستحق كل تقدير مهما كان ما حدث.

وكتب الركايبي على موقع التواصل الاجتماعي "فيس بوك"، اليوم الثلاثاء: "مع أني في الفترة الأخيرة مش بتكلم في أي حاجة.. بس اللي حصل ده لازم يخليك تتكلم.. 1-ربنا يرحمك يا ابن عمي... وبنحتسبك عند ربنا من الشهداء... وربنا يصبرنا على فراقك في البلد دي".
وأضاف "2- في البلد دي ياريت متعملش شير من غير ما تشوف.. ولما تشوف برضه متعملش شير علشان أحنا في مستنقع زبالة..
3- فيه ناس بتقول إن ابن عمي حضن اللي كان داخل يفجر نفسه... وفيه فيديو اللي كل الناس شافته والواد بيفجر نفسه عند البوابة... وأنا بتكلم علشان مش عاوز حد يتاجر بدم واحد من أقرب الناس ليا... ابن عمي بطل في نظري... مش شرط أنه يحضن الإرهابي علشان يكون بطل!".
وأضاف: "4-هو بطل علشان هو أنضف ضابط شفته في حياتي.. عمره ما جه على حد أو ظلم حد... قدامي حصل أكتر من موقف كان ممكن يستخدم فيه "القانون" علشان يحبس ناس ولكن كان بيستخدم روح القانون.. وبيدي للمخطئ درسًا عمره ما ينساه..
5-هو بطل علشان يوم الانفجار نازل من بيته الساعة 4 الفجر علشان يأمن الكنيسة.. مع أنه بكل سهولة كان ممكن مايروحش.. ومحدش في الشرطة كان حيقدر يكلمه.. علشان إحنا عيلة عندها كمية رتب مش طبيعية".
وتابع "6-هو بطل علشان قبل التفجير بـ 10 دقايق كلمه السواق بتاعه وقاله في تفجير في طنطا يا باشا.. لو عاوزني أجيلك وتروح... فقاله لا ربنا يستر وماسبش مكان خدمته وروح لأطفاله الـ3 اللي مش حيشفوه ولا حيشفهم تاني..
7-مش شرط أن انت تشوفه بطل.. ومايهمنيش انك تشوفه بطل.. بس ياريت تدعيله وتدعيلنا معاه.. ومتنساش إننا كعيلته ما تاجرناش بدم ابننا ولا عاوزين حد يتاجر بيه... فياريت بلاش كلام انكم عاوزين تعملوا منه بطل وهو معملش حاجة... إحنا فينا اللي مكفينا".

الكلمات المفتاحية

"
ما أكثر أغنية تعجبك في عيد الحب؟

ما أكثر أغنية تعجبك في عيد الحب؟