أكد الكاتب هاني سرحان، مؤلف مسلسل "الأب الروحي"، أن سعادته بردود الأفعال التي تصله عن نجاح المسلسل لا تضاهي سعادة والده بالعمل، خصوصا أنه كان متخوفًا من تفرغي للكتابة.
وكتب سرحان، على صفحته الشخصية عبر موقع التواصل الاجتماعي "الفيسبوك": "اى حد بيقولى كلام حلو على المسلسل وان الحمد لله ربنا كرمنا ونجحنا جدا برد عليه غالبا نفس الرد الحمد لله انا بالنسبالى اهم حاجه ان أبويا وأمى مبسوطين بالمسلسل.. وبصراحه انبساط ابويا فارق معايا اكتر بكتير من اى حد ممكن لأن امى كانت من أول يوم بتشجعنى ومصدقه انى هعمل اللى بحلم بيه بس ابويا كان راضى انى اتفرغ للكتابه بس كان متشكك".
وأضاف: "عشان كده انا اكتر واحد كنت مستنى رأيه هو ابويا..ولحد دلوقتى بتبسط بكل تعليق بيقوله وكل توقع بيتوقعه بكل اقتراحاته اللى بيقولهالى للجزء التانى وبكل مكالمه بيكلمنى فيها يقولى تسلم دماغك يابنى بأنه بيقولى انه بيقابل ناس بتحب المسلسل وبيقولهم ابنى المؤلف بتاعه وانه فخور بيا ومعلق عنده صور ليا وللمسلسل البوست ده مالوش علاقه بأى حاجه غير انى حسيت انى عاوز اقول انى بحب أبويا جدا عشان ممكن مابتجيش فرصه اقوله ده لما بشوفه وانى زعلان انى مش بشوفه كتير وانى بحمد ربنا على نجاح الاب الروحى عشان هو مبسوط ربنا يخليك ليا يابابا وافرحك بيا دايما".
