في الذكرى الرابعة لرحيل البابا شنودة الثالث، داعبت الأذهان أهم "النكت" التي قالها والتى تميزت بخفة الظل وسرعة البديهة، فصوت ضحكات الشعب يوم الأربعاء من كل أسبوع وخاصة خلال إجاباته على تساؤلاتهم رنان وكأنك دخلت إلى مسرح يجيد ممثلوه الفكاهة واتفان الكوميديا، وأستخدم البابا ملكته الفكاهية في بعض الاوقات للخروج من مواقف قد تكون محرجة أو مربكة بعض الشيء، أو لتخفيف الألم، وحتى اليوم يردد الأقباط كلماته وإلى بعض النكت التي قالها:
واحد قال له الشيطان دايما بيحاربنى وبعمل كل حاجة وبردو الخطية موجودة
رد وقاله: حاول تتفاهم معاه وقوله ابعد عنى يا شط شط
واحد بيقول للبابا: أنا عندي داء النسيان ماذا افعل؟
رد البابا وقال: خايف أقولك تنسي بكرة
وأخر قال: أنا بنام في اجتماع قداستكم ماذا افعل؟
رد البابا وقال: ابقي فكرني اعمل اجتماع وأنت صاحي
قالت زوجة: زوجي مندوب مبيعات أدوية كان عنده كتاب طب قديم يعالج نفسه
بواسطته، قاطعها البابا وماذا حدث بعد ذلك مات بسبب غلطة مطبعية.
كان البابا في زيارة للصعيد وأثناء لإلقائه كلمة، قاطعه صعيدي صارخًا بصوت عالي وقال له: انت جاموس يا سيدنا "يقصد قاموس" وبسرعة بديهة رد البابا باللكنة الصعيدية وقال: وقاله: الرك على العجول اللى تفهم "العقول".
واحد عنده 55 سنة وبيسأل قداسة البابا انا نفسى اتجوز لكن عندى 55
رد قداسة البابا وقاله: إذا كان انت عندك 55 يبقى لازم تاخد أم 44
+ جاء تاجر أردني لقداسة البابا شنودة الثالث وقال له:
عندي مشروع جيد ولكنه بحاجة إلى تدعيم من الكنيسة، بأن نعبئ مياه نهر
الأردن الذي تعمد فيه السيد المسيح في زجاجات ونبيعها في مصر للبركة......
أجابه قداسة البابا وقال:
طيب ماالمسيح جاء إلى مصر وشرب من مياه النيل... فما رأيك لو عبأنا زجاجات من مياه نهر النيل وبعناها في الأردن؟!..
مذيع بيسأل قداسة البابا فى برنامج عن حكاية ان الاقباط هيعملو دولة خاصة بهم فى أسيوط
رد وقال: ازاى الكلام دة !! عندنا أساقفة كتير أوى... هنوزعهم ازاى على
أسيوط... ممكن نخلى كل اسقف على حارة وممكن نسميهم الآباء الحواريون
واحد بيقول للبابا: صليلي ياسيدنا بقالي خمس سنين شغال في أبو زعبل رد
قداسة البابا وقال: ده انت اللي تصليلي انا بقالي 20 سنة في العباسية.
