استنسخ الإعلامي عمرو أديب برومو برنامجه الجديد "كل يوم" المقرر عرضه على قناة "أون تي في" بدءًا من السبت القادم من فكرة برومو برنامج "شيزوفرنيا" الذي كان يقدمه المذيع الإخواني الهارب محمد ناصر على قناة المحور عام 2009، والذي يعمل حاليًا بقناة الشرق الإخوانية.
يظهر أديب في برومو برنامجه الجديد متحدثا إلى نفسه موجهًا كلامه لها: "أنا هو أنا وأنت اللي هتتغير وكلنا هنغير، وحضرتك كل يوم هتجيلنا بصوتك العالي دا، وكل يوم هتقولنا المشاكل والهم واللي بيجري برة وجوه"، ثم يرد على نفسه قائلًا: "طبعًا هقولك المشاكل والهم هو إحنا في سويسرا إحنا في مصر".
ويعود ليقول: "يعني انت كل يوم هتبقى زي ما أنت مش هتتغير زي ما همه بيقولوا" فيرد قائلًا: "واتغير ليه أنا هفضل زي ما أنا أنت اللي هتتغير".
وينهي البرومو قائلًا: "يعني لا هتجيب طبلة ولا رق ولا شوية صاجات" فيرد على نفسه مرة أخيرة: "لا في طبلة ولا رق ولا شوية صاجات".
فيما كان برومو برنامج "شيزوفرنيا" الذي كان يقدمه المذيع الإخواني محمد ناصر يحتوي على نفس الشكل وأيضًا المضمون، حيث يظهر ناصر بـ 3 شخصيات، ويوضح فكرة البرنامج بأنه يطرح كل القضايا من كل جوانبها السلبي والإيجابي، ويقول في حوار ثلاثي: "العيب اننا بنصدق كل حاجة من غير ما نعرف اللي بيتقال دا ايه اللي وراه.. مش عيب إننا نصدق.. بالعكس ممكن تكون ميزة عندنا، أديك سمعت دا وسمعت دا وشفت دا وشفت دا والميزة في البرنامج دا إنك أنت أول مرة تقرر تبقى مع دا ولا مع دا".