حصلت "البوابة نيوز" على نص التحقيقات الكاملة في قضية خطف مصريين بليبيا والمتهم فيهم مصريون وليبيون متواجدون بمصر، أمام نيابة أول مدينة نصر، برئاسة المستشار محمد حته.
النيابة تستمع لأهالي المختطفين في ليبيا:
فتح المحضر بتاريخ 22 /6 / 2016 برئاسة وكيل النيابة ايمن اليماني وسكرتير كريم زغلول، حيث عرض علينا المحضر رقم 28132 لسنة 2016 جنح للتحقيق والتصرف والذي بمطالعته تبين أنه بتاريخ 22 /6 /2016 بمعرفة الرائد أحمد قدري معاون مباحث قسم أول مدينة نصر والذي أثبت فيه حضور كل من:
1 - أبو النجا عبد الواحد.
2 - عبد النبي محمد على.
3 - مروة محمود محمد.
4 - شعبان ابرهيم عطي.
5 - محمد نجاح محمد.
6 - عبد الرحمن السيد عبد الرحمن.
جميعهم حضروا لديوان القسم وأبلغوا باختطاف ذويهم في دولة ليبيا.
الشاهد الأول
اسمك وسنك وعنوانك؟
اسمي أبوالنجا عبدالواحد شغال عامل، وساكن في كفر دمرو مركز المحلة الكبرى الغربية.
ما معلوماتك بشان الواقعة محل التحقيق؟
اللى حصل أن ابن اخويا شغال ف ليبيا شغال كهربائي ومن شهر تقريبا لقيت واحد بيكلمنى بيقولى جهز مبلغ 70 ألف جنيه وهنيجى نخادهم منك من البلد علشان هما خاطفين ابن اخويا وطالبين المبلغ ده علشان يمشوه وقفلوا التليفون، وبعد يوم اتصلوا على اخويا أحمد عبدالواحد وقالو لية ادفعوا الفلوس علشان ابنك ميموتش، وبعد كدة رجعوا كلموني وقالو انهم هيستلمو الفلوس ف القاهره وانتظرنا تليفون تأنى واتفقت معاهم انهم يتابعوني بالتليفون لحد ما تقابلنا في القاهرة مع واحد اسمه مينا شغال سائق تكس وكان معانا واحد تأنى اسمه عبد النبي اخوه مخطوف طلبوا منه 70 ألف جنيه.
ويوميها تقبلنا مع مينا واديناه 70 ألف جنيه وعبدالنبي اداه 70 ألف جنيه، وبعدين كلم حد وقاله أن المبلغ إلى وصل ليا نحو 140 ألف جنيه ومينا قال أن في ناس جايه وهتدفع مبلغ 220 ألف جنيه عن 3 مخطوفين ف ليبيا، وبعدين قالنا تصبروا يومين تلاته وهما هييجو وقولنا هنبلغ القسم بعد مايوصلو علشان نحاول نرجع الفلوس إلى دفعناها فدية واتفقنا مع مينا أن مفيش حاجه تحصل للناس المخطوفة وانهم مش هيجوا جثث ويوم 20-5 اتصلنا على رقم ابن اخويا في ليبيا ورد علينا الشخص إلى خاطف العيال وطلبنا انهم يكلمونا وبعدين سألناهم إذا كانت الفلوس وصلت ولا لا قالوا اه وصلت ومنتظرين عربية علشان يرجعوا مصر ويوميها كلمنا اولادنا واطمنا عليهم، وقالو أن صحتهم كويسه وقالو انهم مستنيين العربية وبعد كدا قالو أن العربية عطلت ومعرفناش نكلمهم تأنى والكلام ده حصل يوم 29-5 وتقابلنا مع مينا ف شارع الميرغني بمصر الجديدة.
ما اسم قريبك المخطوف في ليبا؟
اسمه أحمد محمد عبدالواحد عنده 25 سنة وشغال كهربائي
اسمه أحمد محمد عبدالواحد عنده 25 سنة وشغال كهربائي
كيف علمت بخطفه واحتجازه؟
واحد اسمه أحمد كلمني وقال لي أنه مخطوف.
واحد اسمه أحمد كلمني وقال لي أنه مخطوف.
ما هو مضمون الحوار الذي دار بينك وبين المدعو أحمد ؟ هوا قالي جهزوا مبلغ 70 ألف جنيه وهنيجى ناخد الفلوس منك وبعدين كلموني تأنى وقالو انهم هيستلمو الفلوس ف القاهرة واتنظرو تليفون تأنى وبعدين اتفقو انهم هيتبعونى ف التليفون وبعدين قابلت واحد اسمه مينا ف القاهرة وادانى رقمه.
من تتهم تحديدا بارتكاب الخطف؟
مينا مسعود ومصطفى فرج وناس تانية ماعرفهومش.
مينا مسعود ومصطفى فرج وناس تانية ماعرفهومش.
مين اللي طلب منكم مبلغ لا طلاق سراح ابن اخوك؟
اللي طلب المبلغ واحد اسمه أحمد ف ليبيا وقال لي روح اديهم لمينا والمبلغ كان سبعين ألف جنيه.
اللي طلب المبلغ واحد اسمه أحمد ف ليبيا وقال لي روح اديهم لمينا والمبلغ كان سبعين ألف جنيه.
هل كان ذلك عن تهديد؟
أيوة هما هددوني بقتل ابن اخويا لو مادفعتش الفلوس.
أيوة هما هددوني بقتل ابن اخويا لو مادفعتش الفلوس.
هل دار بينك وبين المدعو مينا حوار؟
اديته 70 ألف جنيه وعبد النبي اداله 70 ألف جنيه كمان وبعد كدا مينا كلم واحد وقاله إن الفلوس وصلت واستلمها وبعدين عرفنا أن في ناس تانية جايه ب 210 ألاف ومينا اخد مننا الفلوس يوم 22-6
اديته 70 ألف جنيه وعبد النبي اداله 70 ألف جنيه كمان وبعد كدا مينا كلم واحد وقاله إن الفلوس وصلت واستلمها وبعدين عرفنا أن في ناس تانية جايه ب 210 ألاف ومينا اخد مننا الفلوس يوم 22-6
الشاهد الثاني
اسمك وسنك وعنوانك وجهة عملك؟
اسمي عبد النبي محمد على عبدالعزيز 52 سنه عامل زراعي كفر دامرو المحلة الكبرى الغربية.
ما معلوماتك عن الواقعة حال التحقيق؟
جالنا في يوم 25-5 تليفون من عبدالعزيز ابن اخويا وقال أنه مخطوف وطالبين فديه 70 ألف جنيه وبعد كدا فضلنا نتصل عليه بالتليفون علشان نعرف الفلوس دى هنبعتها لمين وازاى علشان عبدالعزيز يرجع مصر وبعدها لقينا واحد اسمه أحمد من ليبيا بيكلمنا ويقولنا خدو رقم التليفون ده وكلموه وهتتقابلو معاه في القاهرة وقبل ماتدخلو القاهره بنص ساعه تكلموه وتتفقو على المكان اللي هتتقبلو، فيه ولما قربنا من القاهرة كلمناه قالنا أنه ف وركسي وبعد كدا قالنا هنتقابل في شارع الميرغني في مصر الجديدة، ولما قابلناه عرفنا أن اسمه مينا وقالنا انو مطلوب مننا مبلغ 280 ألف قولنالو ازاى هما 70 ألف بس وابوالنجا كان معانا وكان مطلوب منه 70 ألف بس فكلمنا أحمد الليبي وقولنالو مينا بيقول عاوز 200 ألف فقالنا هاتولى مينا على التليفون وقالو ياخد ال 140 ألف مننا ومن أبو النجا بعد ما خد الفلوس، قولنالو حرام عليكم احنا مش معانا فلوس ازاى انتا جاى تاخد مننا الفلوس وعيالنا مخطوفين ف ليبيا وكمان مش عارف الرقم ال مطلوب مننا رد علينا مينا وقالنا انا رحت قبل كدا خدت فلوس من ناس مرتين والراجل إلى بيقولى هات الفلوس انا معرفش دى فلوس بتاعت ايه وبعد كدا حكينالو على أن العيال مخطوفه قال لنا هبلغ قسم أول لو عايزين تدونى الفلوس ماشى أو تسيبوها مع حد ف القسم انا معنديش مانع والكلام ده حصل يوم 29-5 وكان معايا أبو النجا بلدياتي وناس تانية.
ما اسم ابن اخيك المخطوف وبياناته تحديدا؟
عبدالعزيز رضا محمد وعنده 29 سنة وشغال مقاول بلاط هوا في ليبيا من 4 سنين وانا ماعرفش هو شغال في منطقة إيه بالظبط.
ما مضمون الحوار الذي دار بينك وبين أحمد الليبى تحديدا ؟ أحمد الليبى اتصل بينا وقالنا عاوزين 70 ألف جنيه فديه علشان نخرج ابن اخوك المخطوف وهيدينا رقم تليفون نتواصل معاه ونديه الفلوس ومحصل حاجه اكتر من كدا وانا معرفش بيناته بالتفصيل هوا لما كلمنا قال أنه اسمه أحمد
من تتهم بارتكاب واقعة الخطف؟
باتهم مينا مسعود جار الرب ومصطفى فرج
باتهم مينا مسعود جار الرب ومصطفى فرج
ما هو دور كل من المتهم مينا مسعود ومصطفى فرج في الواقعه؟
مينا استلم مننا الفلوس ومصطفى هوا ال كان هيستلمها من مينا ويبعتوها لليبيا ويرجعو ابن اخويا
مينا استلم مننا الفلوس ومصطفى هوا ال كان هيستلمها من مينا ويبعتوها لليبيا ويرجعو ابن اخويا
زوجة أحد المخطوفين
اسمك وسنك وعنوانك؟
اسمي مروه محمود محمد، ربة منزل، الزرقا دمياط.
ما معلوماتك عن الواقعة محل التحقيق ؟
إلى حصل أن من شهر تقريبا جالي تليفون أن جوزي اتخطف ومطلوب مبلغ 70 ألف جنيه علشان يسيبوه يرجع مصر وقالوا أن تسليم الفلوس هيبقا في القاهرة عند الدائري وبعد كدا كلموني وقالوا هنستلم الفلوس عن طريق ايداع في حساب ف ليبيا وبعد كدا قالوا عن طريق واحد تونسي ف مصر بعد كدا عرفت أن العصابة اتقبض عليها وجيت علشان ابلغ باللي حصل.
ما اسمه وبياناته تحديدا؟
اسمه مصطفى على على عوض عنده 35 سنه وشغال ف ورشة المونتال في ليبيا من 3 سنين
اسمه مصطفى على على عوض عنده 35 سنه وشغال ف ورشة المونتال في ليبيا من 3 سنين
كيف علمت بواقعة احتجاز المدعو مصطفى؟
واحد اسمه أحمد الليبى كلمنى وقالى أنه مخطوف
واحد اسمه أحمد الليبى كلمنى وقالى أنه مخطوف
ماهو الحوار الذي دار بينك وبين المدعو أحمد الليبى تحديدا؟
هوا قال جهزو 70 ألف جنيه ووصليهم مره ف الدائرى في القاهره ومرة في حساب في بنك ف ليبيا ومره لواحد تونسى في مصر
هوا قال جهزو 70 ألف جنيه ووصليهم مره ف الدائرى في القاهره ومرة في حساب في بنك ف ليبيا ومره لواحد تونسى في مصر
الشاهد الرابع
اسمك وسنك وعنوانك؟
شعبان إبراهيم عطا إبراهيم عامل في مسجد الحامول كفر الشيخ 52 سنه
ما معلوماتك عن الواقعة محل التحقيق؟
إللى حصل يوم 28-5 2016 جالي تليفون أن ابنى اتخطف ومطلوب فديه 70 ألف جنيه ولازم المبلغ يكون موجود خلال ساعتين وياما هيموتوه وانا معرفتش اجيب أي فلوس ساعتها وتانى يوم روحت للخارجية وقالو ليا هنتصرف وبعدها اتصل بيا واحد اسمه أحمد الليبى وادانى رقم واحد اسمه مينا وقالي سلم مينا الـ 70 ألف جنيه واتفقنا أن احنا نتقابل عند محطة البنزين قبل قسم منشية ناصر وفجاه لقيت 3 عربيات دخلت عليا وقالو هات الفلوس إلى معاك هوا دا ال حصل الكلام ده كان يوم 29 -5 وكان معايا عبدالرحمن السيد ومحمد نجاح ودول بلدياتي علشان اخوتهم مخطوفين برضو.
إللى حصل يوم 28-5 2016 جالي تليفون أن ابنى اتخطف ومطلوب فديه 70 ألف جنيه ولازم المبلغ يكون موجود خلال ساعتين وياما هيموتوه وانا معرفتش اجيب أي فلوس ساعتها وتانى يوم روحت للخارجية وقالو ليا هنتصرف وبعدها اتصل بيا واحد اسمه أحمد الليبى وادانى رقم واحد اسمه مينا وقالي سلم مينا الـ 70 ألف جنيه واتفقنا أن احنا نتقابل عند محطة البنزين قبل قسم منشية ناصر وفجاه لقيت 3 عربيات دخلت عليا وقالو هات الفلوس إلى معاك هوا دا ال حصل الكلام ده كان يوم 29 -5 وكان معايا عبدالرحمن السيد ومحمد نجاح ودول بلدياتي علشان اخوتهم مخطوفين برضو.
ما اسمه وبياناته تحديدا؟
اسمه محمود إبراهيم عنده 21 سنه وشغال نجار وانا معرفش هوا شغال فين بالظبط ف ليبيا هوا بقاله سنتين ونص هناك وانا عرفت بخطفه لما كلمنى واحد اسمه أحمد وقالي انوا مخطوف
اسمه محمود إبراهيم عنده 21 سنه وشغال نجار وانا معرفش هوا شغال فين بالظبط ف ليبيا هوا بقاله سنتين ونص هناك وانا عرفت بخطفه لما كلمنى واحد اسمه أحمد وقالي انوا مخطوف
الشاهد الخامس
اسمك وسنك وعنوانك؟
محمد نجاح 25 سنة مبيض محارة مركز بيلا كفر الشيخ
ما معلوماتك عن الواقعة محل التحقيق؟
إللى حصل أن يوم 28 5 جالي تليفون أن اخويا اتخطف ف ليبيا وقالو المطلوب 70 ألف جنيه لازم تجهزهم خلال ساعتين ياما اخوك هيموت روحت تأنى يوم الخارجية ولما لقينا الموضوع هيطول وان اخويا هيتازى روحت كلمت واحد اسمه أحمد الليبي ادانا رقم واحد اسمه مينا وقالنا هنقابله في عباس العقاد في مدينة نصر ولما روحنا عند أول عباس لقينا مره واحده 3 عربيات دخلوا علينا واخدو الفلوس لقينا واحد من العربية بيقول يلا ياحمد ويلا ياعلاء والكلام ده حصل يوم 29-5
ما اسم المخطوف وبياناته بالتفصيل؟
خالد نجاح عنده 22 سنة وشغال نجار وانا معرفش هوا شغال فين بالظبط في ليبيا بس هوي بقى له سنتين ونص بالظبط هناك واحنا عرفنا بخطفه من واحد اسمه أحمد الليبى وانا ماعرفش هما خاطفينه ليه هناك
خالد نجاح عنده 22 سنة وشغال نجار وانا معرفش هوا شغال فين بالظبط في ليبيا بس هوي بقى له سنتين ونص بالظبط هناك واحنا عرفنا بخطفه من واحد اسمه أحمد الليبى وانا ماعرفش هما خاطفينه ليه هناك
محضر التحقيق مع المتهمين
فتح المحضر بتاريخ 23 /6/ 2016 بسريا نيابة أول مدينة نصر بمعرفة وكيل النائب العام كريم حنفي ومصطفى اشرف سكرتير تحقيق، حيث عهد الينا رئيس النيابة المستشار محمد حتة بالتحقيق مع كل من مصطفى فرج بشير وعلاء عمار سلامة ومينا مسعود جاد الرب محمد أحمد عبد السلام محمد ابرهيم فارس ومحمد عبد الله عبد الناصر سالم أحمد.
وبسؤالهم عن التهم المنسوبة وهي النصب والمساعدة في خطف واحتجاز بدون وجه حق والاستيلاء بالتهديد على مبالغ ماليه، فانكروا وبسؤالهم عما إذا كان لديهم ثمة شهود أو دفاع حضر معهم فأجابوا على الشق الأول بالسلب والثاني بحضور الاستاذ اميل فكري فارس والاستاذ راضي فوائد وهذا وقد قمنا بإخراج جميع المتهمين خارج غرفة التحقيق عدا المتهم مينا مسعود، وباشرنا مع المتهم التحقيق.
ما اسمك وسنك وعنوانك ونوع عملك ؟
اسمي مينا مسعود جاد الرب، 41 سنة، سائق تاكس، مقيم بـشارع 38 الصاوي الاميرية
ما قولك في ما هو منسوب اليك بانك متهم باحتجاز المجنى عليهم خالد نجاح ومحمود إبراهيم عبدالعزيز رضا محمد واخرين، بدون أمر من أحد الحكام المختصين بذلك وفى غير الأحوال التي تطرح فيها القوانين واللوائح على ذوى الشبهات وذلك على النحو المبين بالأوراق؟ محصلش
ما قولك في ما هو منسوب اليك بانك متهم بالحصول بالتهديد على المبلغ المبين بالاوراق من أهلية المجنى عليهم المبين اسمائهم بالاوراق على النحو المبين بالتحقيقات ؟ محصلش.
ما قولك في ما هو منسوب اليك بانك متهم بالتهديد لأهلية المجنى عليهم شفويا بواسطة شخص آخر بارتكاب جريمة ضد النفس والمال؟ محصلش
ما قولك فى ماهو منسوب اليك بانك متهم بعدم حملك تحقيق شخصيه حال كونك من رعايا جمهورية مصر العربيه وقد تجاوزت من العمر السادس عشر على النحو المبين بالاوراق ؟ البطاقة في القسم
ما الذي حدث إذا وما هي ظروف عرضك علينا ؟
إلى حصل انا شغال سواق تاكسي وبروح فندق سيتي ستار واعرف ناس ليبيين كتير واحد اسمه علاء عمار قالي انا اديت رقمك لواحد اسمه مصطفى هيكلمك ويطلب منك حاجات وانا قولت عليك انك شخص أمين وانا بثق فيك وبالفعل مصطفى كلمني قالى انا من طرف علاء وانا ليبي الجنسية كنت عايزك تجبلي بعض الحوالات وتوصلها لناس وبالفعل انا قولت لية ماشي وهوا أول مره طلب منى اجيب مبلغ 5000 دولار من نحو شهرين من طنطا ولكن انا علشان مقدرش اروح المشوار كله لواحدي بعت واحد اسمه محمد جاب معايا الفلوس ووصلهم لمصطفى واخدت اجرة المشوار وابتدئ يطلب منى كذا مره حوالات مره 90000الف مره 50000الف وف مره طلب منى انى اجيب حواله قدرها 50000 جنييه من إسكندرية وانا علشان المشوار بعيد عليا بعت واحد قريبي اسمه ديفيد وهوا راح إسكندرية قابل شخص اسمه ماهر اداله 50 ألف جنيه وبعدين فوجئت باتصال بيقولى انتا ديفيد قولتله في حاجه يعنى قالي لا انا كنت عايز احكيلك على قصة الـ 50 ألف جنيه وراح قال ليا انا فوجئت بديفيد جاي معاه ابنه الصغير علشان كدا انا هحكيلك انا ابنى مفقود من يوم 23-4-2016 ففوجئت باتصال يوم 18-5 -2016 من ليبيا بيقولى لو عايز ابنك ادفع 50 ألف جنيه لشخص هنبعته ليك، فرحت انا قلت لية طيب بلغ البوليس قالى انا بلغت غيابى ولما حسيت أنه خايف يبلغ رحت انا رايح على قسم أول مدينة نصر تقريبا يوم 24-5 علشان ابلغ عن إلى اننا سمعته.
وهناك انا قابلت الرائد أحمد قدري وهوا ادانى رقم تليفونه علشان لو في أي تعامل تأنى ابلغه وبالفعل يوم السبت كلمني شخص تقريبا اسمه أبو النجا عايز اقابلك ف أمانه عايز اديهالك قولتله انتا مين قالى انا من طرف أحمد الليبى وفوجئت باتصال من أحمد الليبى قالى ادى الفلوس دي لمصطفى وبالفعل روحت قابلت الناس وقعدت اتصل بأحمد قدري اكتر من ساعه وهوا موبايله مش بيرد، فخفت على نفسى اروح لمصطفى واديته الفلوس وبعد كدا وانا واقف عند سيتي ستار كلمت العميد نشأت بطرس وقولتله على القصه راح واخدني وطلع بيا على قسم أول مدينة نصر وقعدت انا مع أحمد قدري تأنى وهوا دخل لرئيس المباحث بس اتضح انى كنت واخد رقم تليفونه غلط وادانى رقمه الصح وقالى المره الجايه تكلمنى ومتروحش تستلم حاجه تانى من غيرى وانا معاك.
وأضاف المتهم وبعدين كلمني أحمد الليبي وقال ف واحد هيكلمك تروح تاخد منه 70 ألف جنيه كلمت أحمد قدرى قالى في ضابط اسمه أحمد هينزل معاك علشان يجيب الناس دى وبالفعل نزل معايا ضابط وكان معاه 4 أمناء شرطه وروحنا عند المقاولين العرب وقابلت سعيد إلى هيدينى ال 70 ألف جنيه وادانى الفلوس وراح داخل علينا الظابط والأمناء مسكوه هوا وال معاه وقالى هنطلع على مصطفى نجيبه وبالفعل كلمنا مصطفى وقولناله انزل احنا معانا الفلوس ونزل وهاو كان معاه اتنين تانى روحت سلمت عليه راح داخل علينا الظابط ومسكنا كلنا وبعد كدا الضابط اخد مصطفى نزل بيه وراح خلاه يكلم علاء عمار بعدها ب 10 دقايق لقيت الظابط مسك علاء عمار ومعاه 2 كمان وطلع بينا كلنا على القسم
متى واين حدث ذلك ؟ الكلام ده بقاله اكتر من شهرين وانا لما عرفت بلغت
من كان برفقتك انذاك ؟ انا كنت لواحدى لما بلغت نزل معايا ضابط المباحث
من القائم بضبطك تحديدا وكم عددهم ؟ انا متقبضش عليا انا ال روحت بلغت ياباشا
ما سبب قيامهم بضبطك ؟ علشان الناس التانيه اتهمونى أن انا ال خاطف عيالهم
هل القائم بضبطك قام بتفتيشك ؟ ايوا
ما الذي أسفر عن ذلك التفتيش ؟ هما اخدو منى الموبايل والبطاقه
ماقولك فيما اقره أهالي المجنى عليهم في محضر الشرطه المحرر بمعرفة الرائد أحمد قدرى من قيامك بالاشتراك مع اخرين في خطف 8 مصريين بليبيا ؟ محصلش
ماقولك في ما اقره أبو النجا عبدالواحد بمحضر سالف الذكر؟ الكلام ده محصلش انا ال مبلغ ف المحضر
هل يوجد سمة خلاف بينك وبين المدعو أبو النجا ؟ انا معرفوش
ماعلاقتك بأهالي المجنى عليهم وهل يوجد خلافات ؟ انا معرفهمش ومفيش أي خلافات.
متى واين تعرفت على المدعو مصطفى فرج والمدعو علاء عمار ؟ انا اعرف علاء من نحو سنتين ومفيش أي خلافات بينا ومصطفى فرج ده انا معرفوش الا من ساعة المشكله يعنى من شهرين.
انتا متهم باحتجاز المجنى عليهم والمبين اسمائهم بالاوراق بدون أمر الحكام المختصين بذلك وفى غير الأحوال التي نص عليها القانون ؟ محصلش
انتا متهم بالحصول على المبالغ المبينه بالاوراق من أهلية المجنى عليهم ؟ محصلش
انتا متهم بالتهديد لأهلية المجنى عليهم شفويا بواسطة شخص آخر بارتكاب جريمة ضد النفس والمال؟ محصلش
الحاضر مع المتهم طلب صرف المتهم من سرايا النيابه حيث أنه المبلغ في الواقعه كما أنه موجود في قسم مدينة نصر أكثر من 20 يوما وطلب إخلاء سبيل المتهم باى ضمان وطلب ضم المحضر رقم 27-8-92- لسنة 2016 جنح مدينة نصر أول لوحدة السبب والجريمه والاشخاص
هذا وقد قمنا بإخراج المتهم مينا مسعود خارج غرفة التحقيقات وبمناسبة تواجد المتهم عبدالناصر سالم خارج غرفة التحقيقات طالبنا بدخوله وشرعنا بسؤاله في الاتى.
ماسمك وسنك وعنوانك وماهى جهة عملك ؟ اسمى عبدالناصر سالم السن 49 سنه ليبى الجنسيه صاحب شركة استيراد قطع غيار سيارات
ما قولك في ما هو منسوب اليك بانك متهم باحتجاز ىالمجنى عليهم المبين اسمائهم بالاوراق بدون أمر من أحد الحكام الختصين بذلك وفى غير الأحوال التي تطرح فيها القوانين واللوائح على ذوى الشبهات وذللك على النحو المبين بالاوراق؟ محصلش
ماقولك في ماهو منسوب اليك بانك متهم بالتهديد لأهلية المجنى عليهم شفويا بواسطة شخص آخر بارتكاب جريمة ضد النفس والمال؟ محصلش
ماقولك في ماهو منسوب اليك بانك متهم بالحصول بالتهديد على المبلغ المبين بالاوراق من أهلية المجنى عليهم المبين اسمائهم بالاوراق على النحو المبين بالتحقيقات ؟ محصلش
ماالذى حدث إذا وما ظروف عرضك علينا ؟ ال حصل انى بقالى ف مصر بقالى شهرين كنت عايز اشترى شقه عرفت واحد اسمه فارس من نحو 3 ايام ليبى الجنسيه وقالى تعالى قابلنى انا واحد تانى اسمه علاء وهنرجعك الشقه ال انتا عايزها وأول ماركبت معاهم ومشينا فوجئت بالأمن بيوقفنا وقبضو علينا وطلعو بينا على القسم ومن ساعتها وانا ف الحجز وانا معرفش انا متهم بايه اصلا
متى حدث ذلك؟ الكلام ده حصل يوم 31-5.
ماسبب تواجدك بالزمان والمكان سالف الذكر ؟ انا كنت رايح اقابل فارس علشان عايز اشترى شقه.
من كان برفقتك انذاك؟ انا كنت لواحدى
من القائم بضبطك تحديدا وكم عددهم ؟ هما نحو 3 لابسين ملكى
ماسبب قيامهم بضبطك ؟ هما قالو هنحقق معاك وتمشى
هل القائم بظبطك قام بتفتيشك ؟ ايوا
ماالذى أسفر عن ذلك التفتيش ؟ هما اخدو الموبايل بس
ما علاقتك بكل من علاء عمار وفارس محمد وهل يوجد سابق خلاف بينكم ؟ انا معرفش علاء خالص لكن فارس اعرفة قبل الواقعة بيومين عشان هيجيب ليا شقة اشتريها.
ما علاقتك بكلام مصطفى فرج ومينا مسعود ومحمد عبد السلام وهل يوجد سابق خلافات بينهم ؟ انا معرفهمش.
ما سبب تواجدك داخل جمهورية مصر العربية ؟ انا عندي شغل مع شركة عربيات في مصر وانا شغال في استراد العربيات.
منذ متي وانت داخل جمهورية مصر العربية ؟ من شهرين.
المتهم الثالث
اسمك وسنك وعنوانك وجهت عملك ؟ اسمي فارس عبد الله، 39 سنة، ليبي الجنسية، أعمال حرة.
مال الذي حدث وما ظروف القبض عليك واحضارك وعرضك علينا ؟ ال حصل انى اعرف علاء من 4 شهور وعارف أنه شغال ف بيع وشراء العقارات وكلمنى عبدالناصر وقالى أنه عايز شقه وكلمت علاء وقولتله واتفقنا أن احنا نتقابل وبالفعل اتقابلنا انا وعلاء وعبدالناصر وكنا رايحين نشوف الشقه ال عند علاء علشان عبدالناصر يشتريها ووقفنا ف الشارع واحنا ف العربيه فوجئنا بان الباب اتفتح ولقينا الأمن قبض علينا وراح بينا على القسم ومعرفش ليه دا كله
ماعلاقتك بكلام المتهم علاء وعبدالناصر وهل يوجد خلافات بينكم ؟ انا كنت وسيط علشان عبدالناصر عايز يشترى شقه وعلاء كان شغال ف كده وهيبعله الشقه
ماسبب تواجدك داخل جمهورية مصر العربيه ؟ علشان أهلي من السلطه الحاكمه في ليبيا فرحلونى بعد الثوره وانا موجود فمصر من 2011.
المتهم الرابع
اسمك وسنك وعنوانك ونوع عملك ؟ اسمي محمد أحمد عبد السلام 31 سنة طالب في كلية طب جامعة بنها
الجنسيه ليبى ولا احمل تحقيق شخصيه
ماالذى حدث وما ظروف عرضك علينا ؟ ال حصل انا كنت مع محمد صاحبى في جنينه مول بنظبط لبس وجينا واحنا خارجين لقينا صوت عالى حوالينا ولقينا ناس داخلين علينا وبيسالونا انتو منين قولنالهم احنا من ليبيا راحو واخدين ع القسم الكلام ده حصل يوم 31-5 وكان معايا صاحبى اسمه محمد وال قبضو علينا لابسين ملكى وفتشونا واخدو مننا الموبايلات وانا معرفش الناس ال بتتهمنى انى خطفت عيالهم والكلام ال ف المحضر غير صحيح بالمره وانا معرفش هما بيتهمونى ليه انا معرفهمش اصلا
ما سبب تواجدك داخل جمهورية مصر العربيه ؟ علشان الدراسه انا موجود ف مصر من يوم 27-5 2016.
ماعلاقتك بالمتهم محمد إبراهيم وهل يوجد خلافات بينكم ؟ هوا صاحبى وزميلى ف السكن ومفيش أي خلافات وانا معرفش مينا مسعود ولا مصطفى فرج ولا علاء عمار ولا عبدالناصر سالم ولا فارس عبدالله.
اسمك وسنك وعنوانك ؟ محمد إبراهيم السن 31 طالب بكلية الاداب جامعة المنصوره ليبى الجنسيه لا يحمل تحقيق شخصيه
ماالذى حدث وما ظروف عرضك علينا ؟ ال حصل انا كنت مع محمد صاحبى في جنينه مول بنظبط لبس وجينا واحنا خارجين لقينا صوت عالى حوالينا ولقينا ناس داخلين علينا وبيسالونا انتو منين قولنالهم احنا من ليبيا راحو واخدين ع القسم الكلام ده حصل يوم 31-5 وكان معايا صاحبى اسمه محمد وال قبضو علينا لابسين ملكى وفتشونا واخدو مننا الموبايلات وانا معرفش الناس ال بتتهمنى انى خطفت عيالهم والكلام ال ف المحضر غير صحيح بالمره وانا معرفش هما بيتهمونى ليه انا معرفهمش اصلا.
اسمك وسنك وعنوانك وجهة عملك ؟ علاء عمار سلامه 38 سنه مقاول ليبى الجنسيه ولا احمل تحقيق شخصيه.
ما الذي حدث وما ظروف عرضك علينا ؟ ال حصل انى اتعرفت على مصطفى فراج في كافيه ف عباس العقاد وطلب منى اجيبله تاكسى يمون سواق محترم وأمين علشان هوا عامل عملية ف رجله وعايز يوصله ويجيبه من البيت وانا رشحتله مينا علشان انا اعرفه من نحو سنتين وانا قبل مايتقبض عليا فوجئت باتصال من مصطفى قالى تعالى شارع انور في مدينة نصر وكان فارس وعبدالناصر عايزين يشترو شقه وانا كنت هوريهم الشقه وبعد كدا اتقبض علينا هوا كل ال حصل من ساعتها وانا محتجز والكلام ده حصل يوم 31-5 وساعتها انا كنت رايح انا وعبدالناصر وفارس افرجهم على شقتى وكان معايا ساعتها عبدالناصر وفارس وال قبض عليا تلاته لابسين ملكى وساعة ماقبضو عليا فتشونى واخدو التليفون منى واخدو مبلغ 121 ألف دولار.
ما علاقتك بالمتهم مصطفى فرج وهل يوجد سمة خلافات بينكم ؟ انا معرفش مصطفى غير من نحو شهر وكل ال عملتو انى عرفته بمينا مسعود.
ما علاقتك بمينا مسعود وهل يوجد سمة خلافات بينكم ؟ انا اعرفه من نحو سنتين ومفيش بينا أي خلافات وبجيبله زباين علشان هوا شغال على تاكسى وانا أول مره اشوف محمد إبراهيم ومحمد عبدالسلام وانا معرفش اقعد ف ليبيا علشان ف مشاكل هناك كبيره بعد الثوره وانا جيت مصر من سنة 2013 واخدت إقامة ثابته واشتريت شقه.
وانا محتجزتش المجنى عليهم ومليش علاقه بيهم
اسمك وسنك وعملك ؟ مصطفى فرج عامل اقيم في شارع انور المفتى قسم أول ولا يعمل ولا يحمل جواز سفر.
ماذا حدث وما ظروف عرضك علينا ؟
انا باجي على مصر علشان اتعالج ومرة كنت قاعد في كافية في ستي استار اتعرفت على واحد اسمة علاء عمار وقلت لية اني عاوز سواق تاكس يكون أمين يوصلني ويجيبني وابعتة يجيب ليا فلوس من ناس كتير راح عرفني بمينا وداني رقمة وانا أول مرة كلمتة طلبت منة يجيب ليا5000 دولار واديتة رقم الراجل الشخصي واديتة اجريتة،وفي واحد اعرفة في ليبيا قال ليا أنه عاوز واحد يوصلي فلوس اديتة رقم مينا وهوة بقي يتعامل مع مينا ويروح يجيب ليه فلوس، وفي يوم كنت قاعد واتصل بيا مينا وقال ليا انزل عاوزك فنزلت لقيت الشرطة واخداني على القسم.
وأمرت النيابة العامة بحجز كل من 1_ مصطفى فرج بشير 2_ علاء عمار سلامة 4 ايام على ذمة التحقيق، وأمرت بإخلاء سبيل مينا مسعود جاد الرب محمد أحمد عبد السلام،محمد ابرهيم، فارس أحمد عبد الله، عبد الناصر سالم أحمد
