المقادير:
فرخة كيلو ونصف نظيفة ومغسولة بالدقيق والخل
علبة زبادى
ملعقتين كاتشاب
ملعقتين صوص باربكيو
ملعقتين صويا صوص
ملعقة عسل أبيض
ملعقة مستردة
عصير ليمونة كبيرة
ملعقة خل
ماء بصل
ملح، فلفل
بهارات فراخ
زنجبيل، قرفة، كركم، بابريكا، بصل بودرة، ثوم بودرة،
ملعقتين زيت ذرة
طريقة التحضير:
بنجيب الفرخة بعد ما نغسلها كويس اوى بالملح والخل والدقيق نعمل فيها فتحات بالسكينة من جوة وبرة علشان تتشرب التتبيلة كويس
في طبق غويط بمحط محتوىات التتبيلة كلها ( الزبادى، الكاتشاب، الصويا صوص، العسل، الليمون، الباربكيو صوص، الخل، المسطردة، ماء البصل، الزيت ونقلب كويس ونضيف ربع معلقة صغيرة من كل نوع من التوابل " زنجبيل، قرفة، كركم، بابريكا، بصل بودرة، ثوم بودرة، " ونظبط الملح والفلفل )
بنتبل الفرخة من برة وجوة وتحت الجلد ومكان الفتحات كويس اوى ونحطها في كيس كبير وندخلها التلاجة على الأقل 4 ساعات والافضل تبات في التتبيلة من قبلها بليلة
بنخرجها نحطها في صينية ونقطع تحت الفرخة بصلتين كبار شرايح ونصب على الفرخة من فوق باقى التتبيلة الموجودة في الكيس ونقفل الصينية بالفويل وندخلها الفرن ساعة ونصف ونفتح عليها بعد كدة الشواية لحد ما تاخد اللون
وبعد ما تستوى بنجيب ورقة بصل ونسخن فحمة كويس اوى ونحطها في ورقة البصل ونحط عليها معلقة زيت ونقفل الصينية ربع ساعة وتقدم ساخنة وبالهنا والشفا
