واصل إبراهيم سعيد، المدير الفني لنادى جولدي، مُطالبته
لوزارة الداخلية لحمايته من مطلقته، التي ترغب في الحصول على الشقة.
وقال سعيد، في تغريدات له، عبر حسابه الرسمي، على
موقع "تويتر": "يعني بقى ده هو حالنا في مصر، مش فاهم مصر أكبر من
كده، بصراحة البلد دي هعيش وأموت فيها، وخيرها عليا عشان أجدع وأطيب شعب، والله تستاهل
الخير كله".
وأضاف "سعيد": "بقالي أسبوع بستنجد
بالنجدة، عشان أدخل بيتي، وإن في بلطجية داخل البيت، ولحد دلوقتي مش عارف أدخل
بيتي، وقدمت كل أوراق ملكيتي لبيتي، خير مش فاهم ".
وتابع "سعيد": "أطالب بمقابلة وزير
الداخلية، مش عارف أدخل بيتي، وبيتم تهديدي بالقتل لو قربت من البيت، وتم
الاستيلاء علي كافة ممتلكاتي الشخصية والمادية".
وقال "سعيد": "كل يوم تهديد بقتلي
لو قربت من بيتي وممتلكاتي، أنا مش فاهم إحنا فين بصراحة، ولحد دلوقتي منتظر قانون
الدولة المصرية، مع العلم عملت للبلدي دي كتير".
وأضاف "سعيد": "البلد دي لازم تنضف
بجد، دي مصر وهعلن مين، ومش هخاف عشان مفيش حاجة، أخاف منها، الحمد لله اللي علي
حق ميخفش، سرقة واستيلاء علي ممتلكاتي بلطج".
يشار إلى أن "البوابة نيوز"، سبق وأكدت
أن المشكلة لا تعدو أكثر من خلاف عائلي بين اللاعب وطليقته، "ابتسام
علاء"؛ بسبب التنازع على الشقة.
وتوصلت "البوابة نيوز"، إلى أن اللاعب طلب مساعدة الشرطة، بعد محاولة طليقته التفاهم معه، حول أحقيتها في الشقة، التي تقع في منطقة المعادي بمحافظة القاهرة، وتم تحرير محضر برقم 1441 لسنة 2016.
