لا يسلم الشرف الرفيع من اللطش واللسع عالخد والقفا، أي ااااا، مالك يا مقهور ، ضربني النايب الأورني وسبقني واشتكى ، ختموني ع القفا ولاد الشوابكة ، كَسَروني اللي ما يتسموا ، و أاااااااه من ذلة اللقمة والمْم ، وأاااااه من بلد فيها الولد محتاس وحقه في بلاد العرب منداس ، اصطلحت ؟ أيوه اصطلحت ، جبت ورا ، رفعت الراية بيضا ، علقة تفوت ولا حد يموت ، قفايا قالي والنبي يا عثمان سامحه ، وسامحته ، العيال في البلد هم ع القلب ما يتلم ، وأبويا أبو عثمان الرجل المسن الغلبان بعت كلام في السريع وقال : يا بخت قفاك يا عثمان اتلسع ضرب من ندل جبان ، بلّغ قفاك أنا متضامن معاه بس رجوع لا يا سيد قفا .. استمر في الذُل .. أكل العيش يابني مر .
