أحزاب على ما تفرج ، فينك يا سعد باشا .. وفدك راح يا بُغاشة ، عليك رحمة ونور يا ناصر.. حيطان حزبك بلعها التناحر ، ومن الحزب ده للمحروس ده اللي هما همْ ع القلب ما يتعد ، الحال لا يسر عدو ولا حبيب ، مجرد مقارات ، شقق مفروشة على إيجار مؤقت ، على تبرع ، علي خُنن في القهوة دي أو النادي الاجتماعي ده ، والأعضاء بالكوم، بعضهم ويا حفيظ ، مصاب بقرحة معدة ، ونصهم ضربتهم الجلطات السفلية والعلوية ، وكتير منهم أوي ويا ساتر ، وقعوا في حزام ضغط الدم المرتفع والتهاب المفاصل الحاد ، .. و يا سعد باشا ... فينك بغاشة ، يا أحزاب يا مدنية ، وشكوا للحيط وقفاكم ليا ، لقد نفذ رصيدكم شكرا .. جاتكم وكسة.
