اللمبة حمرا في عيادة دكتور عيون، الباشتمرجي يدخل سريعا على غرفة الكشف، وينخض الدكتور: مالك يا مجنون ؟!، خبط ، قول إحم ، قول دستور ، اتنيل بأي حاجة ، مية بولي نطت في بنطلوني ، خير سيدي ؟ ، القيامة قامت ولا كبسة أداب بره على العيادة ! ، الباشتمرجي ، ألعن ، أخطر ، أسخن ، إخواني من إياهم طب من شوية زي القضا المستعجل وفرش على الأرض وهاتك يا عياط وغْم ، ودموع بالكوم نازلة من عيون جنابة الوقحة ، إعمل إيه ؟ الدكتور .. المطافي ، النجدة ، اتصل بالإسعاف ، شكله هيفجر نفسه، الباشتمرجي ، اهدى يا دكترة ، شوفه الأول .. الدكتور : برضة وجهة نظر، دَخّله .. مالك يا سيدي ؟ ، بطّل عياط ، وقوللي .. عاوز إيه ..؟ ، الإخواني : اعمل عملية مستعجل ، اخزق بيها عينيا الجوز قبل ستة أغسطس الجاي ، أرجوك يا دكتور ، بسرعة ، الدكتور بس كده ، وهدية مني لك يا سيدى ، هشيلك الودنين ، بحبحت الفرصة ، هقطعلك الرجلين .. إيه.. مبسوط ؟ الإخواني : هطق ..
