كشف الدكتور صلاح عبد الخالق، أستاد المخ والأعصاب، ورئيس الفريق المعالج للاعب فريق ليوبار الكونغولى، روينداى، عن التفاصيل الكاملة للعملية التي أجريت للاعب،.
وقال عبد الخالق، لبرنامج "ملعب 9090"، على الراديو 9090: "الولد إصابته شديدة جدا في الفقرات العنقية، تنى في الرقبة أو كسر، عنده شلل رباعى، والنفس ابتدى يتلخبط، والضغط ابتدى ينزل، والنبض بدأ هو كمان يبقى واطى، فريق عمل متكامل ابتدى الشغل، فكان لازم يتعمله عملية عشان نلحق حياته".
وأضاف: "رجعنا كل حاجة زى ما هي في العملية، رجعنا الفقرات زى ما كانت، وثبتناها، وخففنا الضغط على النخاع، كانت صحته وحياته في خطر، دلوقتى الأمور مستقرة، وأنا مقدرش أقول هيرجع يتحرك امتى، لكن أكيد هيتحرك بطريقة جزئية، وبعدين واحدة واحدة هتكون كاملة، لكن مع العلاج الطبيعى المكثف".
وعن مصير اللاعب، أكد دكتور المخ والأعصاب أن حياة اللاعب الكروية انتهت، لأن إصابته كانت كبيرة، قائلا: " دى كانت حادثة عربية".
برنامج "ملعب 9090"، يرأس تحريره أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء في تمام العاشرة صباحًا، ولمدة ساعة على الهواء.
