الدكتور شوقي علام مفتي الجمهورية ، طويل العمر يطول عمره ويزهزه عرش داره ، ضرب اليوم وع الصبح بُقين تلاتة مرحرحين تأثر بهم جهاز السخسخة والضحكة عند جنابي ، مولانا حدد زكاة الفطر السنادي بـ"سبعة جنيه وتسعة وتعسين قرشا وتلاتة مليم " ، يعنى تمن ريشة فرخة بسعر سوق النهارده ، ينصر دينك يا عم المفتي ، طب قول عشرة ، قول خمستاشر ، أو عشرين ، ده الغلابة هم ما يتعد ، مولانا عندك فكرة الفرخة البيضة تعمل كام النهارده ؟ لو عندك فكرة ما كنتش ضربت البُقين دول ، مولانا الهمام مفتى الحمام ، رحرح فى زكاة الفطر رحرحها الله عليك عند لقائه، والتائب من زلة فتوى كم لا أفتى وفتّى .
