القراءة كنز.. كنز إحنا مش مقدّرين قيمته، مؤخرًا وبقينا بنهتم بالروايات الفارغة والكتب اللي بتضيّع وقتنا، فكرة إنّك تقرأ كتاب وتتعلم حاجة دي أصبحت شبه معدومة، حاليًا بنقرأ عشان نلاقي روحنا في رومانسية بطل أو حزن بطلة، بنهتم بالتفاصيل اللي بتخلينا عايشين ومش عايشين.
مش كل واحد قرأ كتاب أصبح مثقفا وفيلسوفا، الكتب بتعلمنا إزاي نفهم غيرنا ونقدر نتعايش مع الواقع، إزاي نتعلم جملة مفيدة أو حكمة قيّمة تخلينا نتقدم خطوة لقدام، نحارب خوفنا وقلقنا من بكرة، نضغط على نفسنا علشان ننجح ونخرج من دايرة تضييع الوقت، نحاول نكون إحنا مش مجرد شخص جواه أشخاص بتتلون عشان تعجب الناس، القراءة بتغذي العقل معلومات تساعده في التعامل مع الآخرين، إنّك تكون اجتماعي مش انطوائي وبتخاف تدافع عن نفسك.
مواقع التواصل الاجتماعي سمحت لكل شخص إنه يكون كاتب، فكرة فارغة أخدت كم هائل من اللايكات والكومنتات، أصبحت كتابا، إحنا بنساعد غيرنا في إنه ينجح بدون علم وبدون أفكار واضحة وإيجابية، بنساعد غيرنا في إنه يتعامل مع الناس على أساس إنه كاتب وهو لا يقرأ أي كتب.
لكل كاتب حاول تقرأ لأنك من غير قراءة أفكارك بتقل وطريقة كتابتك بتضعف، مش عيب إنّك تتعلم، اقرأ عشان تحس إنك قادر تكتب في أي موضوع بصورة سهلة وبسيطة.
نصيحة أخيرة.. اقرأ الكتاب اللي يخليك قادر تجري ورا حلمك وتحققه، اقرأ الكتاب اللي يطرد من جواك كلمة "مستحيل"، اقرأ الكتاب اللي يخليك تشوف نفسك وتطوّر منها عشان تكون أحسن، ما تجبرش عقلك إنه يفضل عايش في صومعة الروايات الفارغة والكتب اللي تخليك حزين طول الوقت، جرّب تقرأ كتاب إيجابي وفيه معلومات هتحس بالفرق، القراءة يا صديقي بتغذي العقل وتكبره، إنّك تكون صغير سنًا لكن عقلك أكبر من كل اللي حواليك.
مش كل واحد قرأ كتاب أصبح مثقفا وفيلسوفا، الكتب بتعلمنا إزاي نفهم غيرنا ونقدر نتعايش مع الواقع، إزاي نتعلم جملة مفيدة أو حكمة قيّمة تخلينا نتقدم خطوة لقدام، نحارب خوفنا وقلقنا من بكرة، نضغط على نفسنا علشان ننجح ونخرج من دايرة تضييع الوقت، نحاول نكون إحنا مش مجرد شخص جواه أشخاص بتتلون عشان تعجب الناس، القراءة بتغذي العقل معلومات تساعده في التعامل مع الآخرين، إنّك تكون اجتماعي مش انطوائي وبتخاف تدافع عن نفسك.
مواقع التواصل الاجتماعي سمحت لكل شخص إنه يكون كاتب، فكرة فارغة أخدت كم هائل من اللايكات والكومنتات، أصبحت كتابا، إحنا بنساعد غيرنا في إنه ينجح بدون علم وبدون أفكار واضحة وإيجابية، بنساعد غيرنا في إنه يتعامل مع الناس على أساس إنه كاتب وهو لا يقرأ أي كتب.
لكل كاتب حاول تقرأ لأنك من غير قراءة أفكارك بتقل وطريقة كتابتك بتضعف، مش عيب إنّك تتعلم، اقرأ عشان تحس إنك قادر تكتب في أي موضوع بصورة سهلة وبسيطة.
نصيحة أخيرة.. اقرأ الكتاب اللي يخليك قادر تجري ورا حلمك وتحققه، اقرأ الكتاب اللي يطرد من جواك كلمة "مستحيل"، اقرأ الكتاب اللي يخليك تشوف نفسك وتطوّر منها عشان تكون أحسن، ما تجبرش عقلك إنه يفضل عايش في صومعة الروايات الفارغة والكتب اللي تخليك حزين طول الوقت، جرّب تقرأ كتاب إيجابي وفيه معلومات هتحس بالفرق، القراءة يا صديقي بتغذي العقل وتكبره، إنّك تكون صغير سنًا لكن عقلك أكبر من كل اللي حواليك.
