تعرف إن بسلامته فشار إزاي ؟؟ الحكاية بسيطة ، الدكتور ممدوح شكمان استاذ جراحة الفشر والتسييح ، أعد دراسة لولبية ف الحتة دي ، قال شكمان : 6 صفات للشخص الفشار ، ضاحك على طول الخط .. نصاب .. ملاوع .. فوريجي ، له في سكة السياسة والـ 3 ورقات ، استهشد الدكتور شكمان بـ "رجل الأعمال الكبير أوي حسين سالم "كعينة نتنة في دراسته ، كشف شكمان أن الصفات الست جاءت على مقاس سالم أبو اخته ، دلل شكمان بتصريحات جنابه عن ثرواته ومدخراته ومبادراته للتصالح مع الدولة ، قال الدكتور شكمان زميل الكلية البريطانية للفشر ، أن سالم كان على استعداد أن يدفع دم قلبه ، آه دم قلبه اللي هي ثروته مقابل البراءة ، تراجع العرض إلى النصف بعد البراءة ، لحس سالم كلامه ، لا طالت مصر النص ولا شافت الربع ، نفس اللحس يتكرر حاليا وحصريا مع مبادرات التسوية الدايرة حاليا بينه وبين الدولة ، تحليل شكمان لـ "سالم ابن الحاجة مامته " ، ناكر للجميل .. جحود للماما "مصر" .. مراوغ من زمن فات فات وف ديله فلوس الست فتكات .
