المغنى واللمبة، الاتنين نفس المَعَزة، حياة وروح وإن زادت غلاوة الكهربا حبتين تلاتة، تخيل حياتك من غير كهربا أو لمبة، طبعًا ضلمة وعذاب وهلاك وعكننة بره البيت وجوه البيت خصوصًا جوه البيت، مفيش كهربا وارد جدًا إانك تصور ف بيتك "قتيل" من خنقة أم العيال وصداع العيال وحاجات العيال وأكل العيال، فيه كهربا الحياة وردي، بمبي، تكييف وهوا ومية ساقعة ولطافة ولذاذة من أم العيال، وبناء عليه حكومتنا الرشيدة مزنوقة ف احداشر مليار جنيه فاتورة وقود لمواجهة ضلمة الصيف، على أدك حاول تساعد إنشالله بجنيه على حساب 6 تُمنمية ستاشر واحد، بنك الصدقة، صندوق تكافل وإعانة الحكومة، وهنيالك يا فاعل الخير.
