هي عين الملاحيس مفيش غيرها .. عين الإخوان .. وعين الموكوسين أوباما وأردوغان .. وعيون كتير ملي بيشفوكي ولا يصلوش ع النبي . . رقيتك يا مصر يا غالية من كل شر .. ومن كل نَفْسنة .. ومن كل لسان طويل وزالف وسايب .. ومن كل حاقد وجاحد وشامت.. وأدي شكة إبرة في عين مرسي .. وواحدة في عين بديع .. وخمسة ستة سبعة قولوا مية في عيون كل نسانيس طرة .. من امبارح للنهاردة والكوارث نازلة ترف .. استر يا ستار .. انهيار كوبر بالدقهلية .. اصطدام مترو بالعباسية .. حريق بقطار برمسيس .. انقلاب أتوبيس بالشرقية .. وتلاتة في البحيرة والإسماعيلية والدقهلية .. و 19 "حادث مروع" وضحايا وجرحى وصويت ودموع على اللي راح .. يا سواسي .. طبعا طبعا دى عين قوية .. ويا حسود يا حسود زُق عجلك أوعى تعود .
