جماعة الإخوان تدخل مرحلة السبانخ .. صواميل مخ ولاد البنا هوّت .. في شقة ضلمة ببني سويف اتلم كام صرصار على كام ناموسة من الجماعة في اجتماع مغلق وسري خالص وصوتوا بسلامتهم على حزمة من القرارات المصيرية .. شوفوا إزاي !! .. قرارات ومصيرية وغرف مغلقة وضلمة .. وأهو ده اللي حصل وتسرب وانتشر إلى خارج الشقة المغلقة .. محنة الجماعة، كانت صلب وعمود فقري نقاش الصراصير والناموس وهاموش الإخوان .. بحثوا طرق ووسائل ومسالك الخروج من الأزمة .. أحدهم تقمص دور كفار قريش في العصر اللي فات وصاح زاعقا : " يا قوم .. فلنستمر ف الحرب ضد الكفرة " .. وصاح آخر : " فلنضرب أبراج الحمام والكهرباء بضربة رجل واحد ونخليها خل" .. وانتفض ثالث : "أبشروا يا قوم .. إن النصر لقريب .. سنتين ولاّ تلاته و سنفتح مصر .. سنسيطر على الاتحادية و نسيطر على الملوخية وندخل غازين للقاهرة على ضهر عنز وكباش وخرفان " .. وبصوت واحد صاح الصراصير : " إلى الجهاااااااااااد .. إلى الملوخية .." .
