حد فكّر للحظة أم جناب الريس حنفي الأمريكي اسمها إيه؟.. السؤال بالنحوي:«بماذا تدعي السيدة الفاضلة أم الريس بارك أوباما قصص الله ريشه وطربق عرش بيته الأبيض علي راسه المعضمة؟؟ » .. أكيد أكيد اسمها "مدام لئيمة.. أه ابن اللئيمة.. المناسبة تحذيرات أممية طازة طالعة لسة من الفرن تفضح سواد قلب وقفا الريس الأوبامي، كاشفة أن جنابه بوشين وش « هرّاب» والتاني «مكّار».. تصريح ضد الإرهاب والتاني سايح وماسخ لا مع ولا ضد.. أنت مع مين يا عم أوباما.. وأوباما ماسك العصاية من النص.. نازل رقص علي السلم لا طالع ولا نازل، مكتفيا بمصمصة الشفتين وابسامات صفرا وباهته.. شوهد خايب الرجا قبل قليل في جنينة البيت الرئاسي واخد جنب ونازل همس في تليفونه المحمول: أيوه يا دواعش.. أخباركو.. إخوانكم الحوايثة سايبنهم لوحدهم ليه... اتحركوا، إيد مع إيد تولع .. قلبي وقفايا معاكو..
