يا حسرة قلبي عليك يا ماكس.. مصر كلها انفطرت يا كوكو.. الشعب انكسر ضهره أيها المُلهم من الحزن عليك، ورغم أن فيه بني آدمين بيموتوا موتة أبشع من موتك دي بكتير.. يعني مثلا مثلا ناس بتموت من البرد والفقر على أبواب المستشفيات.. وناس تذبحها سكينة العوز وتموت جوعا بالبطيء وما أدراك من الموت البطيء؟.. وناس بتموت نفسها علشان مش لاقية اللي يسد رمقها.. لكن كل ده مش مهم ولا يجي حاجة جنب موتك يا ماكس.. على طول الدنيا خربت والإعلام اتقلب حاله فور إعلان نبأ موتك.. جنازتك كانت يومًا مشهودًا يا شهيد الوفاء.. جنازة حارة والميت كلب.. تكفيك يا ماكس في الحشود تسير خلفك تردد بعض مقولاتك الثورية الملهمة وخاصة وصيتك الأخيرة: "خلي بالكو من مصر".. أظن وبعض الظن هوهوه، أن المقولة دي ودي بالذات سبب فجعتنا فيك يا مناضل.. وهو.. هو.. هو.
