يا فرحة الخرمانين أصحاب المزاج العالي والواطي وضرب حجارة البانجو والحشيش المولع ، اللجنة العليا للانتخابات حسمت الموضوع في خبر طازة قبل شوية ، قالت :" بلاها شهادات طبية للسادة المرشحين للمجلس " معني كلام اللجنة الموقرة " أن كل المرشحين معفيين من تقديم الورقة دي " .. وماله يا لجنة .. يا غالية يا بنت الناس المحترمين .. أكيد أكيد سعادتك شايفة أكتر من الشعب .. نقول إيه .. خلي البساط أحمدي .. صحيح ، إيه المُشكل ف المرشح لما يكون شمام هيروين ولا ضرّيب بانجو أو حشيش ؟؟ " .. ولا مُشكلة بتاتا وإن كان وارد .. بنقول وارد إن طبخة القوانين الجديدة هتكون متسلطنة حبتين ، مهوّية تلت أربع حبات ، موجه أحيانا لخدمة أصحاب المزاااااااج والسلطنة والنفس الطويييييييييييييييل .. نقول إيه : تخدوا نفس ..
