الست فتكات، خبرة في شئون الحب والغرام، سنين من تعب القلب تضع هنا خلاصة تجربتها وتقدم نصائح خالصة مخلصة للبنت المصرية.
- أغلب البنات لما بيبتدوا ارتباط رسمي سواء عن طريق الأهل أو رسمي بمعنى إن الشخصين أقروا لبعض أنهم في علاقة.. البنات بيدخلوا العلاقة بقلبهم قوي بيخدوها حضن صعايدة.. من الآخر بيدخلوا سخنين.. على عكس الولد اللي بيحس بشعور إيه الهبل إلى أنا عملته ده أنا شكلي لبست في الحيطة.. عمومًا يا ريت البنات يدخلوا بالراحة ويسموا كده ويستهدوا بالله وبلاش المشي ورا الأغاني وكل أي حاجة في العالم.
- أنتِ شخص ظهر فجأة في حياة الولد، فبلاش قصة الرن الرن الرن الرن الرن والزن.. استهدي بالله يا حاجة يعني موضوع إنك لازم تكلميه حالًا وهو بيلعب جيم بلاي ستيشن.. ده مش حلو وهباب وأنتِ عايزة تقطعي الملكوت ده والمحصلة أصلي عادي بطمن عليك.. ده سخافة.. أصل بتطمني عليه على أساس إيه مثلًا هيتوه.
- بلاش الدلع الماسخ.. آه والله في دلع شيك زي نجلاء فتحي، ودلع ماسخ زي حنان ترك مثلًا.. خليكي شيك في الدلع وبلاش إسفاف.. يعني بلاش الأسلوب يكون رقيع ومحاولة بائسة أنك تكوني كيوت بالعافية.. الكيوتنس أصلًا أصلًا هبة من عند ربنا، فلو مش عندك مش هتظهر فجأة مهما نعمتي صوتك وقولتي "بهبك يا مضروب".
- بلاش تدخلي الولد في تفاصيلك العائلية بزيادة لأنه بيحس إنه بيتدبس.
- أغلب البنات لما بيبتدوا ارتباط رسمي سواء عن طريق الأهل أو رسمي بمعنى إن الشخصين أقروا لبعض أنهم في علاقة.. البنات بيدخلوا العلاقة بقلبهم قوي بيخدوها حضن صعايدة.. من الآخر بيدخلوا سخنين.. على عكس الولد اللي بيحس بشعور إيه الهبل إلى أنا عملته ده أنا شكلي لبست في الحيطة.. عمومًا يا ريت البنات يدخلوا بالراحة ويسموا كده ويستهدوا بالله وبلاش المشي ورا الأغاني وكل أي حاجة في العالم.
- أنتِ شخص ظهر فجأة في حياة الولد، فبلاش قصة الرن الرن الرن الرن الرن والزن.. استهدي بالله يا حاجة يعني موضوع إنك لازم تكلميه حالًا وهو بيلعب جيم بلاي ستيشن.. ده مش حلو وهباب وأنتِ عايزة تقطعي الملكوت ده والمحصلة أصلي عادي بطمن عليك.. ده سخافة.. أصل بتطمني عليه على أساس إيه مثلًا هيتوه.
- بلاش الدلع الماسخ.. آه والله في دلع شيك زي نجلاء فتحي، ودلع ماسخ زي حنان ترك مثلًا.. خليكي شيك في الدلع وبلاش إسفاف.. يعني بلاش الأسلوب يكون رقيع ومحاولة بائسة أنك تكوني كيوت بالعافية.. الكيوتنس أصلًا أصلًا هبة من عند ربنا، فلو مش عندك مش هتظهر فجأة مهما نعمتي صوتك وقولتي "بهبك يا مضروب".
- بلاش تدخلي الولد في تفاصيلك العائلية بزيادة لأنه بيحس إنه بيتدبس.
